കൊല്‍ക്കത്ത: അന്താരാഷ്ട്ര സൗഹൃദ ഫുട്‌ബോള്‍ പോരാട്ടത്തിനായി ബ്രസീലിനു പിന്നാലെ ഉറുഗ്വെ ടീമും കൊല്‍ക്കത്തയില്‍. നാളെയാണ് ഇന്ത്യ- ഉറുഗ്വെ അന്താരാഷ്ട്ര പോരാട്ടം. രാത്രി 7.30നാണ് മത്സരം.
അതിനിടെ ഉറുഗ്വെ ടീം അംഗങ്ങള്‍ വിഖ്യാത സ്‌റ്റേഡിയമായ കൊല്‍ക്കത്ത ഈഡന്‍ ഗാര്‍ഡന്‍സില്‍ അല്‍പ്പ നേരം ക്രിക്കറ്റ് കളിച്ചത് കൗതുകമായി. ഈ സ്റ്റേഡിയവുമായി ഉറുഗ്വെ ഫുട്‌ബോള്‍ ടീമിന് ചരിത്രപരമായ ഒരു ബന്ധം കൂടിയുണ്ട്. 1982ല്‍ ഈഡന്‍ ഗാര്‍ഡന്‍സില്‍ വച്ച് ഉറുഗ്വെ ടീം പ്രഥമ നെഹ്‌റു കപ്പ് കിരീടം സ്വന്തമാക്കിയിട്ടുണ്ട്.
നാല് പതിറ്റാണ്ടുകള്‍ക്കിപ്പുറം ടീം വീണ്ടും ഈഡന്‍ ഗാര്‍ഡന്‍സില്‍ ഇറങ്ങി. ഇത്തവണ പക്ഷേ ക്രിക്കറ്റാണ് കളിച്ചത്. ലുക്കാസ് ടോറിയ, റൊണാള്‍ഡോ അരുഹോ എന്നിവര്‍ ബാറ്റും പന്തുമായി കളം വാണു. ഇതിന്റെ വിഡിയോ ടീമിന്റെ ഔദ്യോഗിക എക്‌സ് പേജില്‍ അവര്‍ പങ്കിടുകയും ചെയ്തിട്ടുണ്ട്.
ക്രിക്കറ്റ് കളിച്ച ശേഷം ടീം കൊല്‍ക്കത്തയിലെ ചരിത്രപ്രസിദ്ധങ്ങളായ സ്ഥലങ്ങളില്‍ സന്ദര്‍ശനം നടത്തി. വിക്ടോറിയ മെമ്മോറിയല്‍, സെന്റ് പോള്‍ കത്തീഡ്രല്‍ എന്നിവയും സന്ദര്‍ശിച്ചു.
നിലവില്‍ 20ാം റാങ്കിലുള്ള ഉറുഗ്വെ വിവേകാനന്ദ യുവ ഭാരതി ക്രിരംഗനിലാണ് ഇന്ത്യക്കെതിരെ കളിക്കാനിറങ്ങുന്നത്. ഇതിഹാസ താരം ഡീഗോ ഫോര്‍ലാനാണ് ഉറുഗ്വെയുടെ പുതിയ പരിശീലകന്‍. ഫോര്ലാന് അപരിചിതമല്ല ഇന്ത്യന്‍ മണ്ണ്. 2016ല്‍ ഐഎസ്എല്‍ കളിക്കാന്‍ അദ്ദേഹം ഇന്ത്യയില്‍ എത്തിയിട്ടുണ്ട്. അന്ന് മുംബൈ സിറ്റി എഫ്‌സിക്കായാണ് ഫോര്ലാന് പന്ത് തട്ടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
