അഹമ്മദാബാദ്: കരിയറിലെ മോശം ഫോമിലൂടെയാണ് മുന്‍ ഇന്ത്യന്‍ നായകന്‍ വിരാട് കോഹ്‌ലി ഇപ്പോള്‍ കടന്നു പോകുന്നത്. വെസ്റ്റ് ഇന്‍ഡീസിനെതിരായ മൂന്നാം ഏകദിനത്തില്‍ സംപൂജ്യനായി മടങ്ങിയതിന് പിന്നാലെ ഒരു മോശം റെക്കോര്‍ഡും കോഹ്‌ലിയുടെ പേരിലെത്തി.
ഏകദിനത്തില്‍ ഏറ്റവും കൂടുതല്‍ തവണ പൂജ്യത്തിന് പുറത്താകുന്ന ഇന്ത്യന്‍ താരങ്ങളുടെ പട്ടികയില്‍ കോഹ്‌ലി നാലാം സ്ഥാനത്ത് എത്തി. ഏകദിനത്തില്‍ ഇത് 15ാം തവണയാണ് താരം സംപൂജ്യനായി മടങ്ങുന്നത്. സച്ചിന്‍ ടെണ്ടുല്‍ക്കര്‍, യുവ്‌രാജ് സിങ്, സൗരവ് ഗാംഗുലി എന്നിവര്‍ക്ക് പിന്നാലെയാണ് കോഹ്‌ലിയും പട്ടികയിലെത്തിയത്.
വിന്‍ഡീസിന് എതിരായ മൂന്ന് ഏകദിനത്തിലും ബാറ്റിങ്ങില്‍ കോഹ്‌ലി പരാജയപ്പെട്ടു. രണ്ടാം ഏകദിനത്തില്‍ നേടിയ 18 റണ്‍സ് ആണ് പരമ്പരയിലെ കോഹ് ലിയുടെ ഉയര്‍ന്ന സ്‌കോര്‍. ഒരു അര്‍ധ ശതകം പോലുമില്ലാതെ 2015ന് ശേഷം ഇത് ആദ്യമായാണ് കോഹ് ലി ഒരു ഏകദിന പരമ്പര അവസാനിപ്പിക്കുന്നത്.
2019ന് സെഞ്ചുറി നേടാന്‍ കോഹ് ലിക്ക് കഴിഞ്ഞിട്ടില്ല. ഇത് സെഞ്ചുറി ഇല്ലാതെ കോഹ് ലിയുടെ തുടര്‍ച്ചയായ ഏഴാമത്തെ ഏകദിന പരമ്പരയാണ്. 2020 മുതല്‍ ഇതുവരെ കോഹ് ലി ഏഴാം വട്ടമാണ് പൂജ്യത്തിന് പുറത്താവുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
