ടറൗബ: വെസ്റ്റ് ഇന്‍ഡീസ് പര്യടനത്തിനായി എത്തിയ ഇന്ത്യന്‍ ടീമിന് അടിസ്ഥാന സൗകര്യങ്ങള്‍ ഒരുക്കിയിരുന്നില്ലെന്ന് ഇന്ത്യന്‍ ക്യാപ്റ്റന്‍ ഹാര്‍ദിക് പാണ്ഡ്യ. ഇക്കാര്യത്തില്‍ വിന്‍ഡീസ് ക്രിക്കറ്റ് അധികൃതര്‍ കുറച്ചുകൂടി ശ്രദ്ധ ചെലുത്തണമായിരുന്നെന്നും ഹാര്‍ദിക് പറഞ്ഞു. ആഢംബരങ്ങള്‍ ഞങ്ങള്‍ ആവശ്യപ്പെട്ടിട്ടില്ല. എന്നാല്‍ അടിസ്ഥാന സൗകര്യങ്ങള്‍ ഒരുക്കുന്നതില്‍ കുറച്ചുകൂടി ശ്രദ്ധിക്കേണ്ടതുണ്ടെന്നും ഹാര്‍ദിക് മത്സരശേഷം പറഞ്ഞു.
രോഹിതിന്റെ അഭാവത്തില്‍ ഹാര്‍ദിക്കിന്റെ നേതൃത്വത്തില്‍ ഇന്ത്യ വിന്‍ഡീസിനെ 200 റണ്‍സിന് തകര്‍ത്ത് മൂന്ന് മത്സരങ്ങളുടെ ഏകദിന പരമ്പര 2-1 ന് സ്വന്തമാക്കി. ഹാര്‍ദിക് പുറത്താകാതെ 52 പന്തില്‍ നിന്ന് 70 റണ്‍സ് നേടി.
'ഞങ്ങള്‍ കളിച്ച നല്ല ഗ്രൗണ്ടുകളില്‍ ഒന്നായിരുന്നു ഇത്. അടുത്ത തവണ വിന്‍ഡീസിലേക്ക് വരുമ്പോള്‍ കാര്യങ്ങള്‍ കൂടുതല്‍ മെച്ചപ്പെടും. കഴിഞ്ഞ വര്‍ഷവും വിന്‍ഡീസ് പര്യടനത്തിനെത്തിയപ്പോള്‍ സമാനമായ കാര്യങ്ങള്‍ സംഭവിച്ചു. വെസ്റ്റ് ഇന്‍ഡീസ് ക്രിക്കറ്റ് ബോര്‍ഡ് അത് ശ്രദ്ധിക്കേണ്ട സമയമാണിത്'- മത്സരശേഷം പാണ്ഡ്യ പറഞ്ഞു.
വീന്‍ഡീസ് പര്യടനത്തിന്റെ ആദ്യമത്സരത്തിനായി വിമാനം നാലുമണിക്കൂര്‍ വൈകിയതിനെ തുടര്‍ന്ന് ഇന്ത്യന്‍ ടീം ബിസിസിഐയെ അതൃപ്തി അറിയിച്ചിരുന്നു.
അവസാന മത്സരത്തില്‍ ആദ്യം ബാറ്റ് ചെയ്ത ഇന്ത്യ അഞ്ച് വിക്കറ്റ് നഷ്ടത്തില്‍ 351 റണ്‍സ് എടുത്തു. ശുഭ്മാന്‍ ഗില്‍ (85) ഇഷാന്‍ കിഷന്‍ (77) സഞ്ജു സാംസണ്‍ (51) എന്നിവര്‍ അര്‍ധ സെഞ്ചുറി നേടി. മറുപടി ബാറ്റിങിന് ഇറങ്ങിയ വിന്‍ഡീസിനെ ഇന്ത്യ 151 റണ്‍സിന് ഓള്‍ ഔട്ടാക്കി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
