സെന്റ് ലൂസിയ: ടി20 ലോകകപ്പിലെ അവസാന ഗ്രൂപ്പ് പോരാട്ടമായ അഫ്ഗാനിസ്ഥാന്‍- വെസ്റ്റ് ഇന്‍ഡീസ് മത്സരത്തില്‍ പിറന്നത് ഒരുപിടി റെക്കോര്‍ഡുകള്‍. ഈ ലോകകപ്പില്‍ ആദ്യമായി ഒരു ടീം ടോട്ടല്‍ 200 കടന്നതും അസാന ഗ്രൂപ്പ് പോരില്‍ തന്നെ. ആദ്യം ബാറ്റ് ചെയ്ത വിന്‍ഡീസ് 218 റണ്‍സാണ് അടിച്ചെടുത്തത്.
104- വെസ്റ്റ് ഇന്‍ഡീസ് തങ്ങളുടെ ചരിത്രത്തിലെ ഏറ്റവും വലിയ രണ്ടാമത്തെ ടി20 വിജയമാണ് അഫ്ഗാനിസ്ഥാനെതിരെ 104 റണ്‍സ് ജയത്തിലൂടെ സ്വന്തമാക്കിയത്. അഫ്ഗാനിസ്ഥാന്‍ തങ്ങളുടെ ചരിത്രത്തില്‍ ഇത്രയും വലിയ തോല്‍വി (റണ്‍ അടിസ്ഥാനത്തില്‍) ടി20യില്‍ ഏറ്റു വാങ്ങിയതും രണ്ടാം തവണ.
8- വിന്‍ഡീസ് ടോപ് സ്‌കോറര്‍ നിക്കോളാസ് പൂരാന്‍ എട്ട് സിക്‌സുകളാണ് അടിച്ചത്. ഒരു ടി20 ലോകകപ്പില്‍ ഏറ്റവും കൂടുതല്‍ സിക്‌സുകളെന്ന റെക്കോര്‍ഡില്‍ താരം മൂന്നാമതെത്തി.
128- വെസ്റ്റ് ഇന്‍ഡീസിനായി ടി20യില്‍ ഏറ്റവും കൂടുതല്‍ സിക്‌സുകള്‍ നേടുന്ന താരമായി 128 സിക്‌സുകളോടെ പൂരാന്‍ മാറി. 124 സിക്‌സുകളുണ്ടായിരുന്ന ഇതിഹാ താരം യുനിവേഴ്‌സ് ബോസ് ക്രിസ് ഗെയ്‌ലിന്റെ റെക്കോര്‍ഡാണ് പൂരാന്‍ പഴങ്കഥയാക്കിയത്.
6- പുരുഷ ടി20യില്‍ 500, അതിനു മുകളില്‍ സിക്‌സുകള്‍ തൂക്കുന്ന താരങ്ങളുടെ പട്ടികയില്‍ പൂരാന്‍ ആറാം സ്ഥാനത്തെത്തി. താരത്തിന്റെ സിക്‌സ് സമ്പാദ്യം 502.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
92- ഒരു ടി20 ലോകകപ്പിന്റെ പവര്‍ പ്ലേയില്‍ ഏറ്റവും കൂടുതല്‍ റണ്‍സെടുക്കുന്ന താരമെന്ന റെക്കോര്‍ഡ് ഇനി വെസ്റ്റ് ഇന്‍ഡീസിനു. 92 റണ്‍സാണ് അവര്‍ അഫ്ഗാനെതിരെ പവര്‍പ്ലേയില്‍ നേടിയത്. ടി20യില്‍ ഇത് നാലാം സ്ഥാനത്ത്.
36- ഒരോവറില്‍ 36 റണ്‍സ് എടുത്ത് പൂരാന്‍ ഇന്ത്യന്‍ ഇതിഹാസ ഓള്‍ റൗണ്ടര്‍ യുവരാജ് സിങ്, ഇന്ത്യന്‍ ക്യാപ്റ്റന്‍ രോഹിത് ശര്‍മ എന്നിവരുടെ റെക്കോര്‍ഡിനൊപ്പം.
2012- ടി20യില്‍ നിക്കോളാസ് പൂരാന്റെ ആകെ റണ്‍സ് സമ്പാദ്യം 2012ല്‍ എത്തി. ടി20യില്‍ 2000 പിന്നിടുന്ന ആദ്യ വിന്‍ഡീസ് താരമായി പൂരാന്‍ മാറി.
218- വെസ്റ്റ് ഇന്‍ഡീസിന്റെ ടി20 ലോകകപ്പിലെ ഏറ്റവും ഉയര്‍ന്ന സ്‌കോര്‍. ടി20 ലോകകപ്പിലെ ഏറ്റവും മികച്ച നാലാമത്തെ ടീം ടോട്ടല്‍. ടി20യില്‍ അഫ്ഗാനെതിരെ ഒരു ടീം നേടുന്ന ഏറ്റവും ഉയര്‍ന്ന ടീം ടോട്ടലായും 218 റണ്‍സ് മാറി.
4- ഒരു ലോകകപ്പ് എഡിഷനില്‍ തുടരെ 4 വിജയങ്ങള്‍ ഇതാദ്യമായാണ് വിന്‍ഡീസ് സ്വന്തമാക്കുന്നത്. ടി20യില്‍ തുടരെ എട്ട് വിജയങ്ങളെന്ന അനുപമ റെക്കോര്‍ഡും അവര്‍ നേടി.
14- വിന്‍ഡീസ് ക്യാപ്റ്റനെന്ന നിലയില്‍ ഏറ്റവും കൂടുതല്‍ വിജയങ്ങള്‍ നേടുന്ന ക്യാപ്റ്റനായി 14ാം വിജയത്തോടെ റോവ്മാന്‍ പവല്‍ മാറി. കെയ്‌റോണ്‍ പൊള്ളാര്‍ഡിന്റെ റെക്കോര്‍ഡാണ് പവല്‍ പിന്തള്ളിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
