അഹമ്മദാബാദ്: വെസ്റ്റ് ഇൻഡീസിനെതിരായ പരമ്പരയിലെ രണ്ടാം ഏകദിനത്തിൽ ഇന്ത്യക്കു ബാറ്റിങ്. ടോസ് നേടിയ വിൻഡീസ് ബൗളിങ് തിരഞ്ഞെടുക്കുകയായിരുന്നു. ആദ്യ മൽസരത്തിൽ ജയിച്ച ടീമിൽ നിന്ന് ഇഷാൻ കിഷനു പകരം കെഎൽ രാഹുൽ പ്ലെയിങ് ഇലവനിൽ തിരിച്ചെത്തിയതാണ് ഇന്ത്യൻ നിരയിലെ ഏക മാറ്റം. മൂന്നു കളികളുടെ പരമ്പരയിൽ ഇന്ന് ജയിക്കാനായാൽ പരമ്പര ഇന്ത്യയ്ക്ക് സ്വന്തം. പരമ്പര കൈവിടാതിരിക്കാൻ ജയത്തിൽ കുറഞ്ഞൊന്നും വിൻഡീസ് താരങ്ങളും ലക്ഷ്യമിടുന്നില്ല.
പരിക്കു കാരണം നായകൻ കരെൺ പൊള്ളാർഡ് വിൻഡീസ് നിരയിലില്ല. പകരം നിക്കോളാസ് പൂരനാണ് ടീമിനെ നയിക്കുന്നത്. പൊള്ളാർഡിനു പകരം ഒഡെയ്ൻ സ്മിത്ത് കളിക്കും. ആദ്യ കളിയിൽ ആറ് വിക്കറ്റിന്റെ ആധികാരിക ജയമാണ് ഇന്ത്യ സന്തമാക്കിയത്. പരിക്കിനെ അതിജീവിച്ച് തിരിച്ചെത്തിയ നായകൻ രോഹിത് ശർമയുടെ സാന്നിധ്യം ടീമിന് കരുത്തുപകർന്നിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
