ഷാര്‍ജ: വനിതാ ടി20 ലോകകപ്പിലെ ഇന്നത്തെ രണ്ടാം പോരില്‍ പാകിസ്ഥാന്‍ വനിതകള്‍ക്കെതിരെ ശ്രീലങ്കയ്ക്ക് 117 റണ്‍സ് വിജയ ലക്ഷ്യം. പാകിസ്ഥാന്‍ നിശ്ചിത ഓവറില്‍ 116 റണ്‍സിനു എല്ലാവരും പുറത്തായി.
ടോസ് നേടി പാകിസ്ഥാന്‍ ബാറ്റിങ് തിരഞ്ഞെടുക്കുകയായിരുന്നു. 20 പന്തില്‍ 3 ഫോറും 1 സിക്‌സും സഹിതം 30 റണ്‍സെടുത്ത ക്യാപ്റ്റന്‍ ഫാത്തിമ സനയാണ് ടീം സ്‌കോര്‍ 100 കടത്തിയത്. 22 പന്തില്‍ 23 റണ്‍സുമായി നിദ ദാറും തിളങ്ങി. 18 റണ്‍സെടുത്ത ഒമൈമ സുഹൈലാണ് തിളങ്ങിയ മറ്റൊരു താരം.
ശ്രീലങ്കന്‍ വനിതകള്‍ക്കായി ക്യാപ്റ്റന്‍ ചമരി അട്ടപ്പട്ടു 4 ഓവറില്‍ 18 റണ്‍സ് വഴങ്ങി 3 വിക്കറ്റുകള്‍ വീഴ്ത്തി. 19 റണ്‍സ് വഴങ്ങി 3 വിക്കറ്റുകള്‍ വീഴ്ത്തി സുഗന്ധിക കുമാരിയും തിളങ്ങി. ഉദേശിക പ്രബോധനിയും 3 വിക്കറ്റുകള്‍ സ്വന്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
