മുംബൈ: കര്ണാടകക്കെതിരായ രഞ്ജി ട്രോഫി ക്വാര്ട്ടര് പോരാട്ടത്തിനുള്ള മുംബൈ ടീമിനെ പ്രഖ്യാപിച്ചു. ഇന്ത്യന് ഓപ്പണര് യശസ്വി ജയ്സ്വാള് ടീമില് തിരിച്ചെത്തി. ശാര്ദുല് ഠാക്കൂര് ക്യാപ്റ്റനായും ടീമിലേക്ക് മടങ്ങിയെത്തിയിട്ടുണ്ട്. ഈ മാസം 6 മുതലാണ് ക്വാര്ട്ടര് പോരാട്ടം.
എലൈറ്റ് ഗ്രൂപ്പ് ഡിയില് നാല് ജയങ്ങളും മൂന്ന് സമനിലകളുമായാണ് മുംബൈ ക്വാര്ട്ടറിലേക്ക് മുന്നേറിയത്. ഫെബ്രുവരി ആറ് മുതല് 10 വരെ ബാന്ദ്ര ക്രിക്കറ്റ് മൈതാനത്താണ് മുംബൈ- കര്ണാടക പോരാട്ടം.
ഈ രഞ്ജി സീസണില് ഇത് രണ്ടാം തവണയാണ് യശസ്വി ജയ്സ്വാള് മുംബൈ ടീമില് കളിക്കാനിറങ്ങുന്നത്. നേരത്തെ താരം ആദ്യ റൗണ്ടില് രാജസ്ഥാനെതിരായ പോരാട്ടത്തില് കളിച്ചിരുന്നു.
കര്ണാടക അവസാന പോരാട്ടത്തില് പഞ്ചാബിനെ തകര്ത്താണ് ക്വാര്ട്ടര് ഉറപ്പിച്ചത്. നായകനായി സ്ഥാനക്കയറ്റം കിട്ടിയ ആദ്യ പോരില് തന്നെ മലയാളി താരം ദേവ്ദത്ത് പടിക്കല് ഉജ്ജ്വലമായി ബാറ്റ് വീശി ടീമിനെ ക്വാര്ട്ടറിലേക്ക് എത്തിക്കുകയായിരുന്നു. താരം 85 പന്തില് ആറ് ഫോറും 5 സിക്സും സഹിതം 120 റണ്സ് വാരിയാണ് ടീമിനെ ജയത്തിലേക്ക് നയിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
