മുംബൈ: ഈ വര്‍ഷം അവസാനം നടക്കുന്ന ഇന്ത്യന്‍ ക്രിക്കറ്റ് ടീമിന്റെ ഓസ്‌ട്രേലിയന്‍ പര്യടനത്തില്‍ പകല്‍- രാത്രി ടെസ്റ്റ് പോരാട്ടവും. ബിസിസിഐ വൃത്തങ്ങളാണ് ഇക്കാര്യം വെളിപ്പെടുത്തിയത്.
കഴിഞ്ഞ നവംബറിലാണ് ഇന്ത്യ ആദ്യമായി ഡേ നൈറ്റ് ടെസ്റ്റ് പോരാട്ടം കളിച്ചത്. ബംഗ്ലാദേശിനെതിരെയായിരുന്നു കന്നി പകല്‍ രാത്രി മത്സരം. ഈഡന്‍ ഗാര്‍ഡന്‍സില്‍ നടന്ന പോരാട്ടത്തില്‍ ഇന്ത്യ വിജയം സ്വന്തമാക്കിയിരുന്നു.
കഴിഞ്ഞ വര്‍ഷത്തെ ഓസീസ് പര്യടന വേളയില്‍ ഓസ്‌ട്രേലിയ ഇന്ത്യക്ക് മുന്നില്‍ ഡേ നൈറ്റ് ടെസ്റ്റ് എന്ന ആശയം വച്ചിരുന്നു. അഡ്‌ലെയ്ഡില്‍ വച്ച് പകല്‍ രാത്രി ടെസ്റ്റ് കളിക്കാമെന്നായിരുന്നു ഓസീസ് മുന്നോട്ട് വച്ച ആശയം. എന്നാല്‍ വെല്ലുവിളി സ്വീകരിക്കാന്‍ ഇന്ത്യ തയ്യാറായില്ല.
ഏതായാലും ഇത്തവണ ഒരു മത്സരം പകല്‍ രാത്രിയായി കളിക്കാന്‍ ഇന്ത്യ സമ്മതിക്കുമെന്ന പ്രതീക്ഷയിലാണ് ഓസീസ് അധികൃതര്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
