ന്യൂഡൽഹി: പുല്വാമ ഭീകരാക്രമണത്തിന്റെ പശ്ചാത്തലത്തില് പാക് ക്രിക്കറ്റ് താരങ്ങളുടെ ചിത്രങ്ങൾ ഇന്ത്യൻ സ്റ്റേഡിയങ്ങളില് നിന്ന് നീക്കം ചെയ്യുന്നത് തുടരുന്നു. ഏറ്റവുമൊടുവിൽ ഹിമാചലിലെ ധര്മശാല ക്രിക്കറ്റ് സ്റ്റേഡിയത്തില് നിന്ന് മുന് പാക്കിസ്ഥാൻ നായകനും നിലവിലെ പാക് പ്രധാനമന്ത്രിയുമായ ഇമ്രാന് ഖാന്റെ ചിത്രം നീക്കം ചെയ്തതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.
പഞ്ചാബിലെ മൊഹാലി ക്രിക്കറ്റ് സ്റ്റേഡിയത്തിലേയും ജയ്പൂരിലെ സവായ് മാന്സിങ് സ്റ്റേഡിയത്തിലേയും പാക് താരങ്ങളുടെ ചിത്രങ്ങൾ ഒഴിവാക്കിയിരുന്നു. നേരത്തെ മുംബൈയിലെ ക്രിക്കറ്റ് ക്ലബ് ഓഫ് ഇന്ത്യയും പാക്കിസ്ഥാന് ക്രിക്കറ്റ് താരങ്ങളുടെ ചിത്രങ്ങള് കഴിഞ്ഞ ദിവസം നീക്കം ചെയ്തിരുന്നു.
പാക്കിസ്ഥാന് സൂപ്പര് ലീഗിന്റെ (പിഎസ്എല്) സംപ്രേക്ഷണത്തില് നിന്ന് ഐഎംജി റിലയന്സ് പിന്മാറിയതിന് പിന്നാലെ ഡി സ്പോര്ട് പിഎസ്എല്ലിന്റെ ഇന്ത്യയിലെ സംപ്രേക്ഷണം നിര്ത്തിവച്ചിരുന്നു. ഇത്തരത്തിൽ വലിയ തോതിലുള്ള ബഹിഷ്കരണങ്ങളാണ് നടക്കുന്നത്. മെയ് അവസാനം ഇംഗ്ലണ്ടിലും വെയില്സിലും നടക്കുന്ന ഏകദിന ലോകകപ്പില് ഇന്ത്യ പാക്കിസ്ഥാനുമായി കളിക്കരുതെന്നും ലോകകപ്പ് തന്നെ ബഹിഷ്കരിക്കണമെന്നും ആവശ്യപ്പെട്ട് നിരവധി ആരാധകരും ഹർഭജനടക്കമുള്ള മുൻ താരങ്ങളും രംഗത്തെത്തിയിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
