ബാഴ്‌സയ്‌ക്കെതിരെ കുട്ടിഞ്ഞോ ക്രീസിലേക്ക് എത്തിയത് 75ാം മിനിറ്റില്‍. 85ാം മിനിറ്റിലും 89ാം മിനിറ്റിലും ബയേണിന് ലോണായി ബാഴ്സ നല്‍കിയ താരം മെസിക്കും സംഘത്തിനും മേല്‍ അവസാന ആണിയടിച്ചു. 2 ഗോള്‍ കൂടാതെ ഒരു അസിസ്റ്റും കുട്ടിഞ്ഞോയുടെ പേരിലുണ്ട്. ഇതോടെ ആഴ്‌സണല്‍ ആരാധകരാണ് സന്തോഷത്തില്‍ നിറയുന്നത്.
വരുന്ന സീസണിനായി ടീം ശക്തിപ്പെടുത്തുകയാണ് ആര്‍തെറ്റ. ചെല്‍സിയുടെ ബ്രസീലിയന്‍ താരം വില്ല്യാന്‍ ആഴ്‌സണലിലേക്ക് എത്തി കഴിഞ്ഞു. കുട്ടിഞ്ഞോ ആഴ്‌സണലിലേക്ക് ചേക്കേറുമെന്ന അഭ്യൂഹങ്ങള്‍ ട്രാന്‍സ്ഫര്‍ വിപണിയില്‍ ശക്തമാണ്. കുട്ടിഞ്ഞോയുടെ സൈനിങ് വേഗത്തില്‍ പൂര്‍ത്തിയാക്കാനാണ് ആരാധകര്‍ ആഴ്‌സണലിനോട് ആവശ്യപ്പെടുന്നത്.
ആഴ്‌സണലിന് മുന്‍പിലേക്ക് കുട്ടിഞ്ഞോയെ ബാഴ്സ വെച്ചു കഴിഞ്ഞതായാണ് റിപ്പോര്‍ട്ടുകള്‍. ലോണില്‍ കളിക്കുന്ന കുട്ടിഞ്ഞോയെ സ്വന്തമാക്കുന്നതിനുളള ശ്രമങ്ങള്‍ ബയേണിന്റെ ഭാഗത്ത് നിന്നും ഉണ്ടായിട്ടുമില്ല. 120 മില്യണ്‍ യൂറോയുടെ ഓഫര്‍ ബയേണ്‍ നിരസിച്ചു കഴിഞ്ഞു. 2018 ജനുവരിയില്‍ 160 മില്യണ്‍ യൂറോയ്ക്കാണ് കുട്ടിഞ്ഞോ ബാഴ്‌സയിലേക്ക് എത്തിയത്.
മോഡേണ്‍ ചാമ്പ്യന്‍സ് ലീഗ് ചരിത്രത്തില്‍ ആദ്യമായാണ് നോക്കൗട്ടില്‍ ഒരു ടീം എട്ടിന് എട്ട് വട്ടം വല കുലുക്കുന്നത്. 15 മിനിറ്റിലെ കുട്ടിഞ്ഞോയുടെ കളി ബാഴ്‌സയുടെ മുറിവില്‍ മുളക് തേച്ചുവെന്ന് വ്യക്തം. ഇന്റര്‍ മിലാന്‍ സ്‌ട്രൈക്കര്‍ ലൗതാറോ മാര്‍ട്ടിനെസിനെ സ്വന്തമാക്കാനായി കുട്ടിഞ്ഞോയെ ബാഴ്സ ഈ സീസണോടെ ഒഴിവാക്കും. ലിവര്‍പൂളിന് വേണ്ടി 201 മത്സരങ്ങളില്‍ നിന്ന് 54 ഗോളും 45 അസിസ്റ്റും കുട്ടിഞ്ഞോയുടെ പേരിലുണ്ട്. ഈ സീസണില്‍ 35 കളിയില്‍ നിന്ന് 11 ഗോളുകളാണ് കുട്ടിഞ്ഞോോ നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
