ഓസ്‌ട്രേലിയ: മുന്‍ ഇന്ത്യന്‍ ക്രിക്കറ്റ് ക്യാപ്റ്റനും അണ്ടര്‍-19 പരിശീലകനുമായ രാഹുല്‍ദ്രാവിഡ് ഐസിസിയുടെ ഹാള്‍ ഓഫ് ഫെയിമില്‍ ഇടം നേടി. മുന്‍ ഓസ്‌ട്രേലിയന്‍ നായകന്‍ റിക്കി പോണ്ടിംഗും, ഇംഗ്ലണ്ടിന്റെ വനിതാ വിക്കറ്റ് കീപ്പറുമായിരുന്ന ക്ലെയര്‍ ടൈലറുമാണ് ഇക്കുറി പട്ടികയില്‍ ഇടം കണ്ടെത്തിയ മറ്റുള്ളവര്‍.
ആദരവിന് ഐസിസിയോട് നന്ദിയുണ്ടെന്നും ചെറുപ്പത്തില്‍ താന്‍ ആരാധനയോടെ നോക്കി കണ്ട ആളുകളുടെ പട്ടികയിലേക്ക് എത്തിച്ചേര്‍ന്നതില്‍ സന്തോഷമുണ്ടെന്നും രാഹുല്‍ ദ്രാവിഡ് പറഞ്ഞു.ഒരു മികച്ച ക്രിക്കറ്ററായി വളരുന്നതിന് കൂടെ നിന്ന എല്ലാവരെയും സ്‌നേഹപൂര്‍വ്വം ഓര്‍ക്കുന്നുവെന്നും നേട്ടം ഹൃദയത്തോട് ചേര്‍ത്ത് വയ്ക്കുന്നതായും ഐസിസിക്ക് അയച്ച മറുപടി സന്ദേശത്തില്‍ അദ്ദേഹം വ്യക്തമാക്കി.
ഐസിസി ഹാള്‍ ഓഫ് ഫെയിമില്‍ എത്തുന്ന അഞ്ചാമത്തെ ഇന്ത്യക്കാരനാണ് രാഹുല്‍ ദ്രാവിഡ്. ഇതിഹാസതാരങ്ങളായ സുനില്‍ ഗവാസ്‌കര്‍, ബിഷന്‍സിങ് ബേദി, കപില്‍ദേവ്, അനില്‍ കുംബ്ലൈ എന്നിവരാണ് മറ്റുള്ളവര്‍.
പട്ടികയിലെത്തുന്ന ഇരുപത്തിയഞ്ചാമത്തെ ഓസ്‌ട്രേലിയക്കാരനാണ് പോണ്ടിംഗ്. ക്ലെയര്‍ ഏഴാമത്തെ ഇംഗ്ലീഷ് താരവും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
