സ്വര്‍ണത്തിനായുള്ള ഇന്ത്യയുടെ കാത്തിരിപ്പ് യൂത്ത് ഒളിംപിക്‌സിന്റെ നാലാം ദിനം അവസാനിപ്പിച്ച് ജെറേമി ലാല്‍റിന്നുങ്ക. ഭാരോദ്വഹനത്തില്‍ പുരുഷന്മാരുടെ 62 കിലോഗ്രാമില്‍ 274 കിലോഗ്രാം എടുത്തുയര്‍ത്തിയാണ് ജെറേമി സ്വര്‍ണം കഴുത്തിലണിഞ്ഞത്.
അവസാന അവസരത്തില്‍ 150 കിലോഗ്രാം എടുത്തുയര്‍ത്തിയാണ് 274 കിലോഗ്രാം എന്ന റെക്കോര്‍ഡ് ടോട്ടലിലേക്ക് ഇന്ത്യന്‍ താരത്തിന് എത്തുവാനായത്. ആദ്യ അവസരത്തില്‍ 120 കിലോഗ്രാമും, മൂന്നാം അവസരത്തില്‍ 124 കിലോഗ്രാമുമായിരുന്നു മിസോറാമിന്റെ ഭാരോദ്വഹനതാരം ഉയര്‍ത്തിയത്. രണ്ടാമത്തെ അവസരത്തില്‍ പരാജയപ്പെട്ടു.
പതിനഞ്ചുകാരനായ മിസോ സെന്‍സേഷന്റെ പേരായിരിക്കും ഇന്ത്യന്‍ ഭാരോദ്വഹനത്തില്‍ ഇനി ഉയര്‍ന്നു കേള്‍ക്കുക എന്ന ഈ വര്‍ഷം ആദ്യം തന്നെ സൂചനയുണ്ടായിരുന്നു. ലോക യൂത്ത് ഭാരോദ്വഹനത്തിലെ വെള്ളി മെഡലും ജെറേമിയുടെ കൈകളിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
