കുട്ടിഞ്ഞോയുടെ നട്ട്‌മെഗോ, നെയ്മറുടെ പ്രതികരണമോ? ഏതാണ് കൂടുതല്‍ മികച്ചത്?

റഷ്യന്‍ ലോക കപ്പില്‍ തന്റെ സ്‌കില്ലുകള്‍ ലോകത്തിന് മുന്നില്‍ വെച്ചായിരുന്നു കുട്ടിഞ്ഞോ കയ്യടി നേടിയത്. നെയ്മറില്‍ നിന്നും ലോകത്തിന്റെ ശ്രദ്ധ കുട്ടിഞ്ഞോ തന്റെ കാലുകളിലേക്ക് എത്തിക്കുകയും ചെയ്തിരുന്നു ചില ഘട്ടങ്ങളില്‍. ഇപ്പോഴിതാ ബ്രസീല്‍ ടീമിനൊപ്പം നിന്ന് തന്റെ ടെക്‌നിക്കുകളിലെ മികവ് വീണ്ടും കാണിക്കുകയാണ് കുട്ടിഞ്ഞോ. 

പരിശീലന സമയത്താണ് കുട്ടിഞ്ഞോ തന്റെ നട്ട്‌മെഗ് സ്‌കില്‍ പുറത്തെടുത്തത്. അതും നെയ്മര്‍ക്കെതിരെ. ഇതിനോടുള്ള നെയ്മറുടെ പ്രതികരണം കൂടി കണ്ടതോടെ ആരാധകര്‍ക്ക് കൗതുകം ഇരട്ടിച്ചു. നെയ്മര്‍ക്ക് പന്ത് പാസ് ചെയ്യുവാനെന്നോണം തിരിഞ്ഞ് കബളിപ്പിച്ച് മറ്റൊരു താരത്തിന് നല്‍കുകയാണ് കുട്ടിഞ്ഞോ. കുട്ടിഞ്ഞോയെ കായികമായി നേരിട്ട് അതിനോട് പ്രതികരിക്കുകയാണ് നെയ്മര്‍....

കുട്ടിഞ്ഞോയുടെ നട്‌മെഗാണോ, നെയ്മറുടെ അതിനോടുള്ള പ്രതികരണമാണോ കൂടുതല്‍ ഇഷ്ടപ്പെട്ടത് എന്ന ചോദിച്ചാലും ആരാധകര്‍ക്ക് ആശങ്കയാവും ഉത്തരം കണ്ടെത്താന്‍. 

എല്‍ സല്‍വദോറിനെതിരായ സൗഹൃദ മത്സരത്തിനുള്ള പരിശീലനത്തിന് ഇടയിലായിരുന്നു സംഭവം. ലോക കപ്പ് സമയത്ത് കുട്ടിഞ്ഞോയുടെ ജന്മദിനം മുട്ട പൊട്ടിച്ച് നെയ്മറും കൂട്ടരും ആഘോഷിച്ചിരുന്നു.