ദൂബായ്: മുംബൈയ്‌ക്കെതിരെ നേടിയ തകര്‍പ്പന്‍ ജയത്തിന്റെ പിന്‍ബലത്തില്‍ പോയിന്റ് പട്ടികയില്‍ പഞ്ചാബിന് മുന്നേറ്റം. അവസാന സ്ഥാനക്കാരായിരുന്ന കിങ്‌സ് ഇലവന്‍ പഞ്ചാബ് രണ്ട് സ്ഥാനങ്ങള്‍ മുന്നേറി നിലവില്‍ ആറാമതാണ്. ഒന്‍പത് മത്സരങ്ങളില്‍ നിന്ന് ആറ് പോയിന്റോടെ പ്ലേ ഓഫ് സാധ്യത നിലനിര്‍ത്തിയിരിക്കുകയാണ് പഞ്ചാബ്.
ഐപിഎല്ലിലെ 36 മത്സരങ്ങള്‍ അവസാനിച്ചപ്പോള്‍ ഒന്നാം സ്ഥാനത്ത് ഡെല്‍ഹി ക്യാപിറ്റല്‍സ് ആണ് നിലയുറപ്പിച്ചിരിക്കുന്നത്. ഒന്‍പത് മത്സരങ്ങളില്‍ നിന്ന് 14 പോയിന്റുമായാണ് ഡല്‍ഹി ഒന്നാമതുള്ളത്. 12 പോയിന്റുകളുമായി മുംബൈ ഇന്ത്യന്‍സും റോയല്‍ ചലഞ്ചേഴ്‌സ് ബാംഗ്ലൂരും രണ്ടും മൂന്നും സ്ഥാനങ്ങളിലാണ്.
സീസണിലെ കൂടുതല്‍ റണ്‍ നേട്ടക്കാരനുള്ള ഓറഞ്ച് ക്യാപ്പ് പഞ്ചാബ് നായകന്‍ രാഹുലിനാണ്. 525 റണ്‍സാണ് റാഹുല്‍ ഇതുവരെ നേടിയിട്ടുള്ളത്. പഞ്ചാബിന്റ തന്നെ മായങ്ക് അഗര്‍വാള്‍ 393 റണ്‍സോടെ രണ്ടാമതുണ്ട്. ചെന്നൈ സൂപ്പര്‍ കിങ്‌സ് താരം ഫാഫ് ഡുപ്ലേസി 365 റണ്‍സോടെ മൂന്നാമതുണ്ട്.
19 വിക്കറ്റുകളുമായി ഡല്‍ഹി താരം കാഗിസോ റബാദയാണ് കൂടുതല്‍ വിക്കറ്റ് നേടുന്ന ബൗളര്‍ക്കുള്ള പര്‍പ്പിള്‍ ക്യാപ്പ് കൈവശപ്പെടുത്തിയിരിക്കുന്നത്. ജസ്പ്രീത് ബുംറ 15 വിക്കറ്റുകള്‍ നേടി രണ്ടാമതുണ്ട്. 14 വിക്കറ്റുകളുമായി മുഹമ്മദ് ഷമി ആണ് മൂന്നാമത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
