ന്യൂഡെല്‍ഹി: സൂപ്പര്‍ താരം വിരാട് കോഹ്ലിക്കെതിരേ രൂക്ഷ വിമര്‍ശനവുമായി ഇതിഹാസ താരം സുനില്‍ ഗവാസ്‌ക്കര്‍. പഞ്ചാബിനെതിരേ നടന്ന മത്സരത്തിനു ശേഷം കളി വിലയിരുത്തുന്നതിനിടയിലാണ് ഗവാസ്‌ക്കര്‍ കോഹ്ലിക്കെതിരേ വിമര്‍ശനമുന്നയിച്ചത്. കോഹ്ലി ആദ്യം കണ്ണാടിയില്‍ നോക്കി കളിക്കുന്നത് എങ്ങനെയെന്ന് സ്വയം മനസിലാക്കണം. പഞ്ചാബിനെതിരേ കോഹ്ലി കളിച്ചത് ഒരിക്കലും മികച്ച കളിയായിരുന്നില്ല ഗവാസ്‌ക്കര്‍ വ്യക്തമാക്കി.
ഇന്ത്യന്‍ ക്രിക്കറ്റിന് പുതിയ മുഖം നല്‍കിയ ക്യാപ്റ്റന്‍ കോഹ്ലിക്ക് ഐപിഎല്ലില്‍ ഇതുവരെ ഫോം കണ്ടെത്താന്‍ സാധിച്ചിട്ടില്ല. ഇറങ്ങിയ അഞ്ച് മത്സരങ്ങളില്‍ ഒരു കളിയില്‍ മാത്രമാണ് 20 റണ്‍സിന് മുകളില്‍ താരത്തിന് സ്‌കോര്‍ കണ്ടെത്താന്‍ സാധിച്ചത്. ക്യാപ്റ്റന്‍ എന്ന നിലയില്‍ റോയല്‍ ചലഞ്ചേഴ്‌സിനെ ഇതുവരെ കളിമികവിലേക്കെത്തിക്കാന്‍ കോഹ്ലിക്ക് സാധിച്ചിട്ടില്ല.
കോഹ്ലി കൂടുതല്‍ ഉത്തരവാദിത്വം കാണിക്കണം. ഐപിഎല്ലില്‍ ഇതുവരെ കാര്യമായി ഒന്നും അവകാശപ്പെടാനില്ലാത്ത ടീമിന്റെ ക്യാപ്റ്റനാണെന്നത് പരിഗണിക്കുകയെങ്കിലും വേണം. സണ്ണി കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
