ദുബായ്: ഐപിഎല്‍ പതിമൂന്നാം സീസണ്‍ ആരംഭിക്കുമ്പോള്‍ ധോനിയിലേക്കാണ് ആരാധകരുടെ കണ്ണ് പ്രധാനമായും ചെന്നെത്തുന്നത്. ഒരു വര്‍ഷത്തിന് ശേഷം ക്രീസിലേക്ക് ഇറങ്ങുമ്പോള്‍ വെടിക്കെട്ട് ബാറ്റിങ്ങിലൂടെ റെക്കോര്‍ഡുകളില്‍ ചിലതും ധോനി മറികടക്കുമെന്നാണ് കരുതുന്നത്.
ഐപിഎല്ലില്‍ ഏറ്റവും കൂടുതല്‍ സിക്‌സ് പറത്തിയ ഇന്ത്യന്‍ കളിക്കാരില്‍ ഒന്നാമതാണ് ധോനി. എന്നാല്‍ ഐപിഎല്ലില്‍ ഏറ്റവും കൂടുതല്‍ സിക്‌സ് പറത്തിയ ലിസ്റ്റില്‍ രണ്ടാമതുള്ള ഡിവില്ലിയേഴ്‌സിനെ മറികടക്കാന്‍ നാല് സിക്‌സുകള്‍ മാത്രമാണ് ധോനിയില്‍ നിന്ന് വരേണ്ടത്.
ഐപിഎല്ലില്‍ ഇതുവരെ 209 സിക്‌സുകളാണ് ധോനിയില്‍ നിന്ന് വന്നത്. ഡിവില്ലിയേഴ്‌സ് പറത്തിയത് 212 സിക്‌സുകളും. ഐപിഎല്ലിലെ ഉദ്ഘാടന മത്സരത്തില്‍ ശനിയാഴ്ച മുംബൈക്കെതിരെ നാല് സിക്‌സ് കൂടി പറത്തിയാല്‍ ധോനിക്ക് ക്രിസ് ഗെയ്‌ലിന് പിന്നില്‍ രണ്ടാം സ്ഥാനം പിടിക്കാം.
326 സിക്‌സുകളോടെ ക്രിസ് ഗെയ്ല്‍ ആണ് പട്ടികയില്‍ ഒന്നാമത്. നിലവില്‍ ക്യാപ്റ്റന്‍ എന്ന നിലയില്‍ ഏറ്റവും കൂടുതല്‍ ഐപിഎല്‍ മത്സരങ്ങള്‍ കളിച്ച റെക്കോര്‍ഡ് ധോനിയുടെ പേരിലാണ്. 174 ഐപിഎല്‍ മത്സരങ്ങളിലാണ് ധോനി ക്യാപ്റ്റനായത്. ഐപിഎല്ലില്‍ ഏറ്റവും കൂടുതല്‍ ജയങ്ങള്‍ നേടിയ ക്യാപ്റ്റനും ധോനി തന്നെ...
104 ജയങ്ങളാണ് ധോനിയുടെ പേരിലുള്ളത്. 100ല്‍ കൂടുതല്‍ ജയങ്ങളിലേക്ക് എത്തിയിട്ടുള്ള ഒരേയൊരു ഐപിഎല്‍ ക്യാപ്റ്റനും ധോനി തന്നെ. 132 പുറത്താക്കലുകളിലൂടെ ഐപിഎല്ലിലെ വിക്കറ്റ് കീപ്പര്‍മാരിലും മുന്‍പില്‍ ധോനിയുണ്ട്. 38 സ്റ്റംപിങ് ചെയ്ത ധോനിക്ക് മുന്‍പില്‍ മറ്റ് ബാറ്റ്‌സ്മാന്മാരില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
