നെഞ്ചുലയ്ക്കുന്ന ദിനങ്ങളിലും അവളെ പോലെ ചിരിക്കാന്‍ നമുക്കും കഴിയട്ടെ...ഈദ് ദിനത്തിന്റെ ആശംസ നേരുമ്പോഴും പ്രളയ കെടുതിയില്‍ വലയുന്ന കേരളത്തിന് വേണ്ടി പ്രാര്‍ത്ഥിക്കുകയാണ് പാക് ക്രിക്കറ്റ് താരം ശുഐബ് മാലിക്.
എല്ലാ സഹോദരങ്ങള്‍ക്കും ഈദ് ആശംസകള്‍. എന്റെ മനസും, പ്രാര്‍ത്ഥനകളും കേരളത്തിലെ പ്രളയകെടുതിയില്‍ വലയുന്ന ജനങ്ങള്‍ക്ക് ഒപ്പമാണ്. തിരിച്ചുവരവിനുള്ള പ്രയാസങ്ങള്‍ മറികടക്കാന്‍ ദൈവം അവര്‍ക്ക് താങ്ങാവട്ടെ. മോശം ദിനങ്ങള്‍ മുന്നിലെത്തുമ്പോള്‍ അവളെ പോലെ ചിരിക്കാന്‍ നമുക്ക് സാധിക്കട്ടെ എന്നും, കഴുത്തറ്റം വെള്ളത്തില്‍ നില്‍ക്കെ തലയില്‍ വെച്ച് തന്റെ നായയെ സുരക്ഷിത സ്ഥാനത്തേക്ക് എത്തിക്കാന്‍ ശ്രമിക്കുന്ന പെണ്‍കുട്ടിയുടെ ഫോട്ടോ ഷെയര്‍ ചെയ്ത് മാലിക്ക് പറയുന്നു.
മാലിക്കിന് മുന്‍പ് പാക് ക്രിക്കറ്റ് താരങ്ങളായ ഷാഹിദ് അഫ്രീദിയും, ഹസന്‍ അലിയും കേരളത്തിന് വേണ്ടി പ്രാര്‍ത്ഥിച്ചും, സഹായഹസ്തം നീട്ടാന്‍ ആരാധകരോട് അഭ്യര്‍ഥിച്ചും മുന്നോട്ടു വന്നിരുന്നു. സഹാനുഭൂതിക്ക് അതിര്‍വരമ്പില്ലെന്നായിരുന്നു ഹസന്‍ അലിയുടെ വാക്കുകള്‍. മനുഷ്യത്വത്തിന്റെ പ്രതീക്ഷകള്‍ അസ്തമിക്കുന്നില്ല എന്നായിരുന്നു അഫ്രീദി ചൂണ്ടിക്കാട്ടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
