ധാക്ക: ഇന്ത്യന്‍ മുന്‍ താരവും ബാറ്റിങ് പരിശീലകനുമായ സഞ്ജയ് ബംഗാര്‍ ബംഗ്ലാദേശ് ടീമിനെ പരിശീലിപ്പിക്കാന്‍ എത്തില്ല. ബംഗ്ലാദേശ് ടെസ്റ്റ് ടീമിന്റെ ബാറ്റിങ് പരിശീലകനാവാനുള്ള ക്ഷണം ബംഗാര്‍ നിഷേധിച്ചു.
എട്ടാഴ്ച മുന്‍പാണ് സഞ്ജയ് ബംഗാറിന് ബംഗ്ലാദേശ് ക്രിക്കറ്റ് ബോര്‍ഡിന്റെ ക്ഷണം വരുന്നത്. എന്നാല്‍ അതിന് മുന്‍പ് തന്നെ ബംഗാര്‍ സ്റ്റാര്‍ സ്‌പോര്‍ട്‌സുമായി രണ്ട് വര്‍ഷത്തെ കമന്ററി കരാറില്‍ ഏര്‍പ്പെട്ടിരുന്നു.
വ്യക്തിപരമായ കാരണങ്ങളാവും, മറ്റ് പ്രൊഫഷണല്‍ ചുമതലകള്‍ ഉള്ളതിനാലുമാണ് ബംഗ്ലാദേശ് ക്രിക്കറ്റ് ബോര്‍ഡിന്റെ ക്ഷണം നിരസിച്ചതെന്ന് ബംഗാര്‍ പറഞ്ഞു. 2014 മുതല്‍ ഇന്ത്യന്‍ ടീമിന്റെ ബാറ്റിങ് പരിശീലകനായിരുന്ന ബംഗാറിനെ 2019 ലോകകപ്പ് സെമി ഫൈനലിന് പിന്നാലെയാണ് പുറത്താക്കിയത്.
ധോനിയെ ഏഴാമനായി ബാറ്റിങ്ങിന് ഇറക്കിയ തീരുമാനം വിവാദമായിരുന്നു. വിക്രം റാത്തോഡിനെയാണ് ബംഗാറിന് പകരം ഇന്ത്യ ബാറ്റിങ് പരിശീലകനായി നിയമിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
