കോട്ടയ്ക്കല്‍ : ഫുട്‌ബോള്‍ പ്രേമികളെ കൊണ്ട് മൈതാനം നിറഞ്ഞാല്‍ സത്യത്തില്‍ എന്താണ് സംഭവിക്കുക? മലപ്പുറം കോട്ടയ്ക്കലില്‍ സെവന്‍സ് ഫൈനല്‍ കാണാനെത്തിയവരെ കൊണ്ട് ഗ്രൗണ്ട് നിറഞ്ഞതോടെ മത്സരം തന്നെ ഉപേക്ഷിക്കേണ്ടി വന്നു സംഘാടകര്‍ക്ക്. ഫൈനലില്‍ എത്തിയ രണ്ട് ടീമുകളെയും വിജയികളായി പ്രഖ്യാപിച്ചു എന്നതാണ് അതിലും രസകരമായ വാര്‍ത്ത. ഗവണ്‍മെന്റ് രാജാസ് ഹയര്‍ സെക്കന്ററി സ്‌കൂള്‍ മൈതാനത്തായിരുന്നു ഫൈനല്‍ മത്സരം നിശ്ചയിച്ചിരുന്നത്.
മത്സരം കാണാന്‍ ആളുകള്‍ ഒഴുകി എത്തിയതോടെ ഗ്യാലറി നിറഞ്ഞു കവിഞ്ഞു. ഇരിക്കണ്ട, നിന്ന് കളികണ്ടോളാമെന്നായി നാട്ടുകാര്‍. ഇതോടെ കളി ആരംഭിച്ചു.ആദ്യ പകുതി ഓരോ ഗോള്‍ വീതം നേടി സമനിലയില്‍. കളി വീണ്ടും ആരംഭിക്കാന്‍ സമയമായപ്പോള്‍ തിങ്ങി നിറഞ്ഞ ഫുട്‌ബോള്‍ പ്രേമികള്‍ കളിക്കളത്തിലേക്കിറങ്ങി.ഇതോടെയാണ് കളി നിര്‍ത്തി രണ്ട് ടീമുകളെയും വിജയികളായി പ്രഖ്യാപിക്കാന്‍ സംഘാടകര്‍ നിര്‍ബന്ധിതരായത്. ലിന്‍ഷ മണ്ണാര്‍ക്കാട്, സബാന്‍ കോട്ടയ്ക്കല്‍ എന്നീ രണ്ട് ടീമുകളാണ് ഫൈനലില്‍ മത്സരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
