കൊളംബോ: ഇതിഹാസ പേസര്‍ ലസിത് മലിംഗയുടെ പിന്‍ഗാമി ആരെന്ന ചോദ്യത്തിന് ഉത്തരം കിട്ടി. അതും ശ്രീലങ്കയില്‍ നിന്നുതന്നെ. വ്യത്യസ്തമായ ആക്ഷനും യോര്‍ക്കറുകളുടെ തീക്ഷ്ണതയും സമന്വയിപ്പിച്ചതായിരുന്നു മലിംഗയുടെ ബൗളിങ്.
മലിംഗയുടെ ആക്ഷനോട് സമാനതയുള്ള ബൗളിങാണ് ഈ കൗമാര താരവും പുറത്തെടുക്കുന്നത്. കോളജ് വിദ്യാര്‍ഥി കൂടിയായ മതീഷ പതിരനയെന്ന 17 കാരന്റെ ബൗളിങാണ് ഇപ്പോള്‍ ആരാധകര്‍ക്കിടയില്‍ ചര്‍ച്ചയാകുന്നത്.
ലങ്കയിലെ കോളജ് തല ടൂര്‍ണമെന്റില്‍ ട്രിനിറ്റി കോളജിനു വേണ്ടിയായിരുന്നു മതീഷയുടെ മാജിക്കല്‍ പ്രകടനം. മലിംഗയുടെ അതേ ആക്ഷനില്‍ പന്തെറിഞ്ഞ താരം യോര്‍ക്കറുകളിലൂടെ എതിര്‍ ടീം ബാറ്റിങ് നിരയെ തകര്‍ക്കുകയായിരുന്നു.
കളിയില്‍ ഏഴ് റണ്‍സ് മാത്രം വിട്ടുകൊടുത്ത് ആറ് വിക്കറ്റുകളാണ് കൗമാര താരം കൊയ്തത്. ട്രിനിറ്റി കോളജിനു വേണ്ടി മതീഷയുടെ അരങ്ങേറ്റ മത്സരം കൂടിയായിരുന്നു ഇത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
