കുറഞ്ഞ ഓവര്‍ നിരക്കിനെ തുടര്‍ന്ന് മുംബൈ ഇന്ത്യന്‍സ് നായകന്‍ രോഹിത് ശര്‍മയ്ക്ക് പിഴയിട്ടു. 12 ലക്ഷം രൂപയാണ്, മുംബൈയുടെ കിങ്‌സ് ഇലവനെതിരായ മത്സരത്തിലെ കുറഞ്ഞ ഓവര്‍ നിരക്കിനെ തുടര്‍ന്ന് രോഹിത്തിന് പിഴയിട്ടിരിക്കുന്നത്.
ഐപിഎല്‍ പന്ത്രണ്ടാം സീസണിലെ ഐപിഎല്‍ കോഡ് ഓഫ് കണ്ടക്റ്റ് പ്രകാരം മുംബൈയ്ക്ക് ലഭിക്കുന്ന ആദ്യ ശിക്ഷാ നടപടിയാണ് ഇത്. കിങ്‌സ് ഇലവനെതിരെ 176 റണ്‍സിന്റെ വിജയ ലക്ഷ്യം ഉയര്‍ത്തിയെങ്കിലും, രാഹുലിന്റേയും പഞ്ചാബിന്റെ മറ്റ് മുന്‍ നിര ബാറ്റ്‌സ്മാന്‍മാരുടേയും ബലത്തില്‍ പഞ്ചാബ് ജയം പിടിച്ചു.
മികച്ച തുടക്കം ലഭിച്ചെങ്കിലും ഗെയിലിനെ പുറത്താക്കി മുംബൈ കളിയിലേക്ക് മടങ്ങി വന്നിരുന്നു. എന്നാല്‍ രാഹുലും, അഗര്‍വാളും ചേര്‍ന്ന് തീര്‍ത്ത 64 റണ്‍സ് കൂട്ടുകെട്ട് പഞ്ചാബിന്റെ ജയത്തില്‍ നിര്‍ണായകമായി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
