ചെന്നൈ: ടിക് ടോക്ക് ഇന്ത്യയില്‍ നിരോധിച്ചതിന് പിന്നാലെ വന്ന ട്രോള്‍ മഴയില്‍ ഡേവിഡ് വാര്‍ണറുമുണ്ടായിരുന്നു. വാര്‍ണറെ ട്രോളിയവരുടെ കൂട്ടത്തില്‍ ഇന്ത്യന്‍ സ്പിന്നര്‍ അശ്വിനും. എന്നാല്‍ അശ്വിന്റെ ട്രോള്‍ ആരാധകരില്‍ ചിലര്‍ക്ക് ഇഷ്ടപ്പെട്ടില്ല. അശ്വിനെ ചൂണ്ടി വളര്‍ത്തു ദോഷം എന്ന ആരാധകന്റെ കമന്റ് വന്നതോടെ വിശദീകരണവുമായി എത്തുകയാണ് താരം...
തമിഴിലെ കളിവാക്കാണ് ഞാന്‍ ഉപയോഗിച്ചത്. സന്ദര്‍ഭവും, ഭാഷയിലെ പരിമിതികളും കാരണം അത് തെറ്റിദ്ധരിക്കപ്പെട്ടേക്കാം. ഡേവിഡ് വാര്‍ണറിനോടുള്ള ബഹുമാനത്തിന് എനിക്കിപ്പോഴും ഒരു കുറവും വന്നിട്ടില്ല, അശ്വിന്‍ ട്വിറ്ററില്‍ കുറിച്ചു.
രജനികാന്തിന്റെ ഭാഷ സിനിമയിലെ അപ്പോ അന്‍വര്‍ എന്ന ഡയലോഗുമായാണ് വാര്‍ണറെ ട്രോളാന്‍ അശ്വിന്‍ എത്തിയത്. ലോക്ക്ഡൗണ്‍ നാളില്‍ ഡേവിഡ് വാര്‍ണര്‍ ടിക് ടോക്കില്‍ ഏറെ സജീവമായിരുന്നു. ബോളുവുഡ്, ടോളിവുഡ് പാട്ടുകള്‍ക്കൊപ്പം ചുവടുവെച്ച് ഇന്ത്യന്‍ ആരാധകര്‍ക്കിടയില്‍ വാര്‍ണറും കുടുംബവും വൈറലായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
