ചാറ്റ് ഷോയ്ക്കിടെ നടത്തിയ വിവാദ പരാമര്ശങ്ങളുടെ പേരില് കെ.എല്.രാഹുലിനും ഹര്ദിക് പാണ്ഡ്യയ്ക്കും, കരണ് ജോഹറിനുമെതിരെ കേസ് രജിസ്റ്റര് ചെയ്തു. ജോധ്പൂര് പൊലീസ് സ്റ്റേഷനിലാണ് കേസ് രജിസ്റ്റര് ചെയ്തിരിക്കുന്നത്. ഇരുവര്ക്കും എതിരായ സസ്പെന്ഷന് ബിസിസിഐ പിന്വലിച്ചതിന് പിന്നാലെയാണ് താരങ്ങള്ക്ക് തിരിച്ചടിയായി കേസ് രജിസ്റ്റര് ചെയ്തത്.
കളിക്കാരുടെ വിവാദ പരാമര്ശങ്ങള്ക്ക് പുറമെ, പരിപാടിയുടെ അവതാരകനായ കരണ് ജോഹറിനെതിരേയും കേസ് രജിസ്റ്റര് ചെയ്തിട്ടുണ്ട്. ന്യൂസിലാന്ഡിനെതിരായ ഏകദിന പരമ്പരയോടെ ടീമില് തിരിച്ചെത്തിയ ഹര്ദിക് ബാറ്റുകൊണ്ടും പന്തുകൊണ്ടും താന് എത്രമാത്രം അവിഭാജ്യഘടകമാണ് ടീമിനെന്ന് തെളിയിച്ചു കഴിഞ്ഞു. എന്നാല് കെ.എല്.രാഹുലിന് വിവാദത്തിന് മുന്പുണ്ടായിരുന്ന ഫോമില്ലായ്മയില് നിന്നും കരകയറുവാനായിട്ടില്ല.
കോഫി വിത് കരണ് ജോഹര് എന്ന ചാറ്റ് ഷോയ്ക്കിടെ നടത്തിയ വിവാദ പരാമര്ശങ്ങളുടെ പേരില് ഹര്ദിക്കിനും രാഹുലിനും എതിരെ വലിയ വിമര്ശനം ഉയര്ന്നിരുന്നു. പിന്നാലെ ബിസിസിഐ ഇരുവരേയും സസ്പെന്ഡ് ചെയ്തു. ഇവര്ക്കെതിരായ അന്വേഷണത്തിന് ഓംബുഡ്സ്മാനെ നിയോഗിക്കണം എന്ന ആവശ്യവും സിഒഎ സുപ്രീംകോടതിക്ക് മുന്പാകെ വെച്ചിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
