ലോകകപ്പ് തുടങ്ങി ആറ് ദിവസത്തിന് ശേഷമാണ് ഇന്ത്യയ്ക്ക് ഗ്രൗണ്ടിലിറങ്ങേണ്ടി വരുന്നത്. ഇംഗ്ലണ്ടിലെ സാഹചര്യങ്ങളോട് ഇത്രയും ഇണങ്ങാന്‍ സമയം ലഭിച്ച മറ്റൊരു ടീമില്ല. പരിശീലനത്തിനൊപ്പം വിനോദത്തിനും ഇന്ത്യന്‍ ടീം ഈ സമയം പ്രയോജനപ്പെടുത്തി.
ഇന്ത്യന്‍ ടീം പെയിന്റ്‌ബോള്‍ കളിക്കുന്നതിന്റെ ചിത്രങ്ങളും വീഡിയോകളും ആരാധകര്‍ക്ക് മുന്നിലേക്കെത്തിയിരുന്നു. ഇപ്പോഴിതാ, സതാംപ്ടണിലെ നിരത്തുകളില്‍ സ്റ്റൈലിഷായി എത്തുന്ന ധോനിയേയും കൂട്ടരേയുമാണ് ആരാധകര്‍ കാണുന്നത്. ദി ഗ്യാങ് എന്ന തലക്കെട്ടോടെയാണ് ഹര്‍ദിക് ഫോട്ടോ പങ്കുവെച്ചത്.
ഹൂഡിയണിഞ്ഞ് ധോനിക്കൊപ്പം സതാംപ്ടണിലെ നിരത്തിലൂടെ നടന്ന് നീങ്ങുന്ന ഫോട്ടോയുമായാണ് കെഎല്‍ രാഹുലും ഹര്‍ദിക് പാണ്ഡ്യയും എത്തുന്നത്. ലെതര്‍ ജാക്കറ്റാണ് ധോനിയുടെ വേഷം. സ്റ്റൈലിഷായി നിരത്തിലിറങ്ങിയ മൂവരേയും തിരിച്ചറിഞ്ഞ ആരാധകരില്‍ ചിലര്‍ ഇവരെ ക്യാമറയിലാക്കുന്നുമുണ്ട്.
സൗത്ത് ആഫ്രിക്കയ്‌ക്കെതിരെ സതാംപ്ടണിലാണ് ഇന്ത്യയുടെ മത്സരം. കളിക്ക് മുന്‍പുള്ള പരിശീലനം മുടക്കി മഴ എത്തുകയും ചെയ്തു. ഇതോടെയാണ് ധോനിയും, ഹര്‍ദിക്കും, രാഹുലും സതാംപ്ടണില്‍ കറങ്ങാന്‍ ഇറങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
