മനുഷ്യശരീരത്തില് അതിസൂക്ഷ്മമായ ഏഴ് ഊര്ജ കേന്ദ്രങ്ങള് ഉണ്ട്. ഇവയെ ചക്രങ്ങള് എന്നു വിളിക്കുന്നു. ശരീരവും മനസ്സും ആത്മാവും തമ്മില് ബന്ധിപ്പിക്കുന്ന ദിവ്യപ്രവാഹമാണ് ഈ ചക്രങ്ങള്. ഓരോ ചക്രവും ഒരു പ്രത്യേക ഊര്ജ തരംഗത്തെ നിയന്ത്രിക്കുന്നു. ശാരീരിക ആരോഗ്യത്തില് നിന്നും വികാരങ്ങളിലേക്കും തീരുമാനങ്ങളിലേക്കും ആത്മീയബോധത്തിലേക്കും ഈ ചക്രങ്ങള് നയിക്കുന്നുണ്ട്.
ഏതെങ്കിലും ഒരു ചക്രത്തില് ഊര്ജതടസ്സമോ ക്ഷയമോ ഉണ്ടാകുമ്പോള്, അത് നമ്മുടേതായ മാനസികാവസ്ഥ, വികാരങ്ങള്, ആരോഗ്യസ്ഥിതി, ആത്മവിശ്വാസം എന്നിവയെ തൊട്ടുണര്ത്തും. ഈ അസന്തുലിതാവസ്ഥ സ്വാഭാവികമായി ശരിയാക്കാന് സഹായിക്കുന്ന അതിമനോഹരമായ മാര്ഗമാണ് ഏഴ് ചക്ര സമതുലിത കല്ലുകള്.പ്രകൃതിയില് നിന്നുള്ള ഈ കല്ലുകള് ഓരോ ചക്രത്തെയും സ്വാഭാവിക ഊര്ജ തരംഗത്തിലേക്ക് തിരിച്ചു കൊണ്ടുവരാന് സഹായിക്കുന്നു.പലരും ഇന്ന് സ്വന്തം ഇഷ്ടപ്രകാരം പല നിറങ്ങളിലുള്ള ചരടുകളും കല്ലുകളും കയ്യില് ധരിക്കാറുണ്ട്. പലതരം ബ്രേസ്ലെറ്റുകളും ഇങ്ങനെ ആളുകള് ധരിക്കുന്നു. കൃത്യമായവ ധരിച്ചാല് ആരോഗ്യപരമായി ഗുണവും അല്ലാത്തത് ദോഷവും ഉണ്ടാക്കുന്ന കാര്യം പലരും ശ്രദ്ധിക്കുന്നില്ല.
സ്ഥാനം: പെരിനിയം ഭാഗം (ശരീരത്തിന്റെ അടിസ്ഥാനം,അണ്ഡകോശത്തിന് പിന്നില് / ഗുദത്തിനും ഗോപ്യഭാഗത്തിനും ഇടയിലുള്ള ഭാഗം)
സ്വാധീനിക്കുന്ന മേഖല: സുരക്ഷാബോധം, ധൈര്യം, ആത്മവിശ്വാസം
ചക്ര കല്ലുകള്: Red Jasper, Black Tourmaline, Hematite
മൂലാധാരചക്രം ആയിരിക്കുന്നു നമ്മുടെ ജീവിതത്തിന്റെയും നിലനില്പ്പിന്റെയും അടിത്തറ. ഇത് സജീവമാകുമ്പോള് സ്ഥിരത, ഭയമില്ലായ്മ, ആത്മവിശ്വാസം എന്നിവ വര്ധിക്കുന്നു.
സ്ഥാനം: കുടലിനു താഴെയുള്ള പ്രദേശം
സ്വാധീനിക്കുന്ന മേഖല: വികാരങ്ങള്, സൃഷ്ടിപ്രവര്ത്തനം, ആനന്ദബോധം
ചക്ര കല്ലുകള്: Carnelian, Orange Calcite
ഈ ചക്രം ശക്തമാകുമ്പോള് വികാരശുദ്ധി, ആനന്ദം, സൃഷ്ടിശക്തി എന്നിവ അതിവേഗം വളരും.
സ്ഥാനം: വയറിന്റെ മദ്ധ്യഭാഗം
സ്വാധീനിക്കുന്ന മേഖല: സ്വയംമൂല്യം, ധൈര്യം, തീരുമാനശക്തി
ചക്ര കല്ലുകള്: Tiger's Eye, Citrine
ഇത് ആന്തരിക ശക്തിയുടെ കേന്ദ്രം ആണ്. Tiger's Eye വ്യക്തതയും ധൈര്യവും നല്കുന്നു.
സ്ഥാനം: നെഞ്ച്
സ്വാധീനിക്കുന്ന മേഖല: സ്നേഹം, കരുണ, ക്ഷമ
ചക്ര കല്ലുകള്: Green Aventurine, Rose Quartz
ഹൃദയചക്രം സമതുലിതമാകുമ്പോള് ആത്മ സ്നേഹം, മനഃശാന്തി, ബന്ധങ്ങളുടെ സൗഹൃദം എന്നിവ വളരുന്നു.
സ്ഥാനം: കഴുത്ത്.
സ്വാധീനിക്കുന്ന മേഖല: ആശയപ്രകടനം, ആത്മവിശ്വാസത്തോടെ സംസാരിക്കല്
ചക്ര കല്ലുകള്: Blue Lace Agate, Lapis Lazuli
ഈ ചക്രം തുറന്നിരിക്കുമ്പോള് നിങ്ങള്ക്കുള്ള ആശയങ്ങള് സ്പഷ്ടവും ശക്തവുമായ രൂപത്തില് പ്രകടിപ്പിക്കാന് കഴിയും.
സ്ഥാനം: കണ്നട്ടിനിടയില്.
സ്വാധീനിക്കുന്ന മേഖല: അന്തര്ജ്ഞാനം, ശ്രദ്ധ, ധ്യാനശേഷി
ചക്ര കല്ലുകള്: Amethyst, Sodalite
മനസ്സിന്റെ ആഴത്തിലുള്ള ബോധതലത്തിലേക്കുള്ള വാതില് ഈ ചക്രമാണ്.
സ്ഥാനം: തലയുടെ മുകളില്.
സ്വാധീനിക്കുന്ന മേഖല: ആത്മീയബോധം, ദിവ്യബന്ധം
ചക്ര കല്ലുകള്: Clear Quartz, Selenite
ആത്മീയ ഉന്നമനത്തിന്റെയും ആന്തരിക ശുദ്ധിയുടെയും ചക്രമാണിത്.
ധ്യാനത്തിനിടെ ഓരോ കല്ലും അതത് ചക്രസ്ഥാനത്ത് വെക്കുക.കല്ല് കൈയില് പിടിച്ച് ആഴത്തില് ശ്വസിച്ച് ശ്രദ്ധ കേന്ദ്രീകരിക്കുക. ചക്രാക്രമത്തില് കല്ലുകള് വീട്/പൂജാമുറിയില് വയ്ക്കുക. 510 മിനിറ്റ് ശ്രദ്ധയോടെ കല്ലില് ധ്യാനം ചെയ്യുക.
ഇന്നത്തെ ജീവിതരീതിയില് സമ്മര്ദ്ദം, ആശങ്ക, വികാരഭാരം, അനിദ്ര എന്നിവ കാരണം ചക്രങ്ങള് അസന്തുലിതമാകുന്നത് വളരെ സാധാരണമാണ്. പ്രകൃതിദത്തമായ ഈ കല്ലുകള് ചക്രങ്ങളില് പുതിയ ഊര്ജപ്രവാഹം നല്കുകയും മനഃശാന്തി, ആത്മവിശ്വാസം, സമത്വം എന്നിവ ഉറപ്പാക്കുക യും ചെയ്യുന്നു.
ഏഴ് ചക്ര സമതുലിത കല്ലുകള് ശരീരവും മനസ്സും ആത്മാവും ഒരേ ഊര്ജതരംഗത്തിലേക്ക് കൊണ്ടു വരുന്ന സ്വാഭാവിക ചികിത്സയാണ്.ശരിയായ കല്ലുകള് ശരിയായ രീതിയില് ഉപയോഗിക്കുമ്പോള് സമത്വം, ആത്മവിശ്വാസം, ആത്മീയ ഉന്നമനം എന്നിവ ഉറപ്പായും ലഭിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates