മുംബൈ: റോയല്‍ എന്‍ഫീല്‍ഡ് ഹണ്ടര്‍ 350ന്റെ പുതിയ ബേസ് പ്രീമിയം വേരിയന്റ് വിപണിയില്‍ അവതരിപ്പിച്ചു. അലോയ് വീലുകളോടെ വരുന്ന ഏറ്റവും താങ്ങാനാവുന്ന വേരിയന്റാണിത്. ഇതിന്റെ വില 1,49,900 രൂപ (എക്‌സ്-ഷോറൂം) ആണ്.

ബേസ് പ്രീമിയം വേരിയന്റ് റെട്രോ വേരിയന്റിന് മുകളിലാണ് വരുന്നത്. ഇതില്‍ അപ്ഡേറ്റ് ചെയ്ത ഹാലൊജന്‍ ഹെഡ്ലാമ്പ്, അലോയ് വീലുകള്‍, സിംഗിള്‍-ചാനല്‍ എബിഎസ് എന്നിവയുണ്ട്. അലോയ് വീലുകള്‍ക്കൊപ്പം ട്യൂബ്ലെസ് ടയറുകളും വരുന്നത് പഞ്ചറുകള്‍ കൈകാര്യം ചെയ്യുന്നത് എളുപ്പമാക്കും.ഇതിന് സ്റ്റാന്‍ഡേര്‍ഡായി സ്ലിപ്പ്-ആന്‍ഡ്-അസിസ്റ്റ് ക്ലച്ചും ലഭിക്കുന്നു. ഇത് ക്ലച്ചിന് വേണ്ടിയുള്ള പ്രയത്‌നം കുറയ്ക്കാന്‍ സഹായിക്കും. സ്റ്റോപ്പ്-ആന്‍ഡ്-ഗോ ട്രാഫിക്കില്‍ ഇത് സവാരി എളുപ്പമാക്കുന്നു. മെച്ചപ്പെട്ട യാത്ര ഉറപ്പാക്കാന്‍ ഒരു സ്റ്റിച്ചഡ് സീറ്റും ഇതിലുണ്ട്. പൂര്‍ണ്ണ കറുപ്പ് ഫിനിഷോട് കൂടിയ ടാര്‍മാക് ബ്ലാക്ക് കളര്‍ സ്‌കീമിലാണ് പുതിയ മോട്ടോര്‍ സൈക്കിള്‍ വിപണിയില്‍ എത്തുന്നത്. റെട്രോ വേരിയന്റിനേക്കാള്‍ ഇതിന് വിലയില്‍ 12,260 രൂപ കൂടുതലാണ്.

ഹണ്ടര്‍ 350 ന്റെ ടോപ്പ് വേരിയന്റ് മുംബൈ യെല്ലോ, മൂണ്‍ഷോട്ട് വൈറ്റ് എന്നി രണ്ട് പുതിയ നിറങ്ങള്‍ വാഗ്ദാനം ചെയ്യുന്നു. 1,69,804 രൂപയാണ് (എക്‌സ്-ഷോറൂം, ചെന്നൈ) വില. രണ്ടും ബൈക്കിന് യുവത്വ ലുക്ക് നല്‍കുന്ന ബോള്‍ഡ് നിറങ്ങളാണ്. ടാങ്കിന്റെ മുകള്‍ ഭാഗത്ത് മഞ്ഞ, അടിഭാഗത്ത് നീല, വശത്ത് വെളുത്ത വരകള്‍ എന്നിവയുടെ സംയോജനമാണ് മുംബൈ യെല്ലോ. മൂണ്‍ഷോട്ട് വൈറ്റില്‍ കൂടുതല്‍ ഗ്രാഫിക്-ഹെവി ഡിസൈന്‍ ഉണ്ട്. സൈഡ് പാനലുകളും സമാനമായി ബോള്‍ഡ് ഗ്രാഫിക്‌സുമായി വരുന്നു.

ഈ അപ്ഡേറ്റുകള്‍ കൂടാതെ, ബൈക്ക് യാന്ത്രികമായി മാറ്റമില്ലാതെ തുടരുന്നു. 20.2bhp, 27Nm ഉല്‍പ്പാദിപ്പിക്കുന്ന അതേ 349cc, എയര്‍-കൂള്‍ഡ്, സിംഗിള്‍-സിലിണ്ടര്‍ എന്‍ജിനാണ്് ഇതിന് കരുത്തുപകരുന്നത്.