ന്യൂഡല്‍ഹി: പ്രമുഖ ഇരുചക്ര വാഹന നിര്‍മ്മാതാക്കളായ യമഹ പുതിയ ബൈക്ക് ഇന്ത്യന്‍ വിപണിയില്‍ അവതരിപ്പിച്ചു. എഫ്ഇസഡ്-റേവ് എന്ന പേരിലുള്ള ബൈക്കിന് 1,17,218 രൂപയാണ് (എക്‌സ്-ഷോറൂം ഡല്‍ഹി) പ്രാരംഭ വില. ഇത് പരിചിതമായ എഫ്ഇസഡ് ഫോര്‍മുലയെ ഉള്‍ക്കൊണ്ട് നഗര കേന്ദ്രീകൃതമായാണ് കമ്പനി അവതരിപ്പിച്ചത്.

പൊസിഷന്‍ ലൈറ്റ് ഉള്ള ഒരു ഫുള്‍-എല്‍ഇഡി പ്രൊജക്ടര്‍, വൃത്തിയുള്ള വെന്റുകളുള്ള ശില്‍പ്പ മാതൃകയിലുള്ള ടാങ്ക്, പിന്‍ഭാഗം വൃത്തിയായി സൂക്ഷിക്കുന്ന കോംപാക്റ്റ് എക്സ്ഹോസ്റ്റ് എന്നിവയാണ് പ്രധാന ഫീച്ചറുകള്‍. സുഖകരവും ദീര്‍ഘവുമായ യാത്ര സമ്മാനിക്കുന്നതിന് സിംഗിള്‍-പീസ് സീറ്റും ക്രിസ്പ് ടെയില്‍ ലാമ്പുമാണ് ഇതില്‍ ക്രമീകരിച്ചിരിക്കുന്നത്.

അഞ്ച് സ്പീഡ് ഗിയര്‍ബോക്സിലൂടെ 12.2 bhp നല്‍കുന്ന യമഹയുടെ വിശ്വസനീയമായ 149 സിസി, എയര്‍-കൂള്‍ഡ് സിംഗിള്‍ എന്‍ജിനാണ് ഇതില്‍ ക്രമീകരിച്ചിരിക്കുന്നത്. ദൈനംദിന ഉപയോഗത്തിന് അനുയോജ്യമായ ബൈക്കാണിതെന്ന് കമ്പനി അവകാശപ്പെടുന്നു. 136 കിലോഗ്രാം ഭാരവും 17 ഇഞ്ച് വീല്‍ ബേസുമുള്ള ഈ ബൈക്കിന് 13 ലിറ്റര്‍ ഇന്ധന ടാറ്റാണ് ഉള്ളത്. ഇത് ദീര്‍ഘദൂര യാത്രയ്ക്ക് സഹായകമാകുമെന്നാണ് കമ്പനി പറയുന്നത്.

ഇരു ടയറിലും ഡിസ്‌ക് ബ്രേക്കുകള്‍ക്കൊപ്പം സിംഗിള്‍-ചാനല്‍ എബിഎസും പ്രവര്‍ത്തിക്കുന്നു. റെട്രോ-ലീനിംഗ് എഫ്ഇസഡ് ലൈനിന് അനുയോജ്യമായ പരമ്പരാഗത ശൈലിയിലുള്ള ഡിസ്‌പ്ലേയുള്ള കോക്ക്പിറ്റ് ആണ് ഇതില്‍ ക്രമീകരിച്ചിരിക്കുന്നത്.മാറ്റ് ടൈറ്റാന്‍, മെറ്റാലിക് ബ്ലാക്ക് എന്നി നിറങ്ങളില്‍ ബൈക്ക് വിപണിയില്‍ ലഭ്യമാണ്.