ന്യൂഡല്‍ഹി: പ്രമുഖ ഇ- കോമേഴ്‌സ് സ്ഥാപനമായ ആമസോണ്‍ ഇന്ത്യയില്‍ ജോലി ചെയ്യുന്ന കുറഞ്ഞത് 500 പേരെ പിരിച്ചുവിട്ടതായി റിപ്പോര്‍ട്ട്. ആമസോണില്‍ വിവിധ തലങ്ങളില്‍ ജോലി ചെയ്യുന്നവരാണ് പുതിയ ജോലി കണ്ടെത്താന്‍ നിര്‍ബന്ധിതരായത്. വെബ് സര്‍വീസസ്, ഹ്യൂമന്‍ റിസോഴ്‌സസ്, സപ്പോര്‍ട്ട് ഡിപ്പാര്‍ട്ട്‌മെന്റ്‌സ് എന്നി തലങ്ങളില്‍ ജോലി ചെയ്യുന്ന വരെയാണ് ഒഴിവാക്കിയത്.

ആമസോണ്‍ ഗ്ലോബല്‍ ടീമിന്റെ ഭാഗമായി പ്രവര്‍ത്തിക്കുന്നവരെയാണ് പിരിച്ചുവിട്ടത്. മാര്‍ച്ചില്‍ വലിയ തോതില്‍ ജീവനക്കാരെ പിരിച്ചുവിടുമെന്ന് ആമസോണ്‍ സിഇഒ ആന്‍ഡി ജാസി മുന്നറിയിപ്പ് നല്‍കിയിരുന്നു.

ഏകദേശം 9000 പേരെ നേരിട്ട് ബാധിക്കുമെന്നായിരുന്നു അന്ന് പുറത്തുവന്ന റിപ്പോര്‍ട്ടുകള്‍.  ഈ പദ്ധതിയുടെ ഭാഗമായാണ് ഇന്ത്യയില്‍ ജോലി ചെയ്യുന്ന കുറഞ്ഞത് 500 പേരെ പിരിച്ചുവിട്ടതെന്നാണ് റിപ്പോര്‍ട്ടുകള്‍. വരുമാനം കുറഞ്ഞതിനെ തുടര്‍ന്ന് ചെലവ് ചുരുക്കലിന്റെ ഭാഗമായാണ് നടപടി.

ഈ വാര്‍ത്ത കൂടി വായിക്കൂ

പല ഗ്രൂപ്പിലുള്ളവരെ ഉള്‍പ്പെടുത്തി ഗ്രൂപ്പ് കോള്‍; പുതിയ ഫീച്ചറുമായി വാട്‌സ്ആപ്പ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ