ന്യൂഡല്‍ഹി: എസ്ബിഐയ്ക്ക് പിന്നാലെ മറ്റൊരു പ്രമുഖ പൊതുമേഖല ബാങ്കായ ബാങ്ക് ഓഫ് ബറോഡയും വാട്‌സ്ആപ്പ് ബാങ്കിങ് സേവനം ആരംഭിച്ചു. അക്കൗണ്ട് ബാലന്‍സ്, അവസാന അഞ്ചു ഇടപാടുകളുടെ മിനി സ്റ്റേറ്റ്‌മെന്റ് തുടങ്ങി വിവിധ സേവനങ്ങള്‍ അക്കൗണ്ട് ഉടമയ്ക്ക് പ്രയോജനപ്പെടുത്താന്‍ കഴിയുംവിധമാണ് സംവിധാനം.
ഇതിന് പുറമേ ചെക്കിന്റെ സ്റ്റാറ്റസ് അറിയല്‍, ഡെബിറ്റ് കാര്‍ഡ് ബ്ലോക്ക് ചെയ്യല്‍, ചെക്ക് ബുക്ക് ആവശ്യപ്പെടല്‍, അക്കൗണ്ട് സ്റ്റേറ്റ്‌മെന്റ്, അക്കൗണ്ട് ബ്ലോക്ക് ചെയ്യല്‍ തുടങ്ങി നിരവധി സേവനങ്ങളും വാട്‌സ്ആപ്പ് വഴി ലഭിക്കും. ഇന്ത്യന്‍ നമ്പറിന് പുറമേ, തെരഞ്ഞെടുത്ത രാജ്യങ്ങളിലെ രാജ്യാന്തര നമ്പറുകളിലും ബാങ്ക് ഓഫ് ബറോഡയുടെ ബാങ്കിങ് സേവനം പ്രയോജനപ്പെടുത്താവുന്നതാണ്.
ബാങ്ക് ഓഫ് ബറോഡയുടെ വാട്‌സ്ആപ്പ് ബാങ്കിങ് സേവനം ലഭിക്കുന്നതിന് ആദ്യം രജിസ്റ്റര്‍ ചെയ്യണം. ബാങ്കിന്റെ ബിസിനസ് അക്കൗണ്ട് നമ്പറായ 8433 888 777 കോണ്‍ടാക്ട് ലിസ്റ്റില്‍ സേവ് ചെയ്ത് വേണം രജിസ്റ്റര്‍ ചെയ്യാന്‍. ഇതിന് പുറമേ Https://Wa.Me/918433888777?Text=Hi എന്ന ലിങ്കില്‍ ക്ലിക്ക് ചെയ്ത് ബാങ്കിന്റെ വാട്‌സ്ആപ്പ് നമ്പറിലേക്ക് നേരിട്ടും ആശയവിനിമം നടത്താവുന്നതാണ്. ആദ്യം “HI” എന്ന് ടൈപ്പ് ചെയ്ത് വേണം ആവശ്യമായ സേവനം ആവശ്യപ്പെട്ട് ആശയവിനിയം തുടങ്ങേണ്ടത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates