കൊച്ചി: സംസ്ഥാനത്ത് അഞ്ചാം ദിവസവും മാറ്റമില്ലാതെ സ്വര്‍ണ വില. പവന് 36,480 രൂപയാണ് വില. കഴിഞ്ഞ വ്യാഴാഴ്ച മുതല്‍ ഈ വിലയാണ് തുടരുന്നത്.

വ്യാഴാഴ്ച പവന് 120 രൂപ കൂടിയിരുന്നു. ഇതിനു ശേഷം മാറ്റമില്ലാതെ തുടരുകയാണ് സ്വര്‍ണ വില. 

കോവിഡ് വ്യാപനം തടയുന്നതിനുള്ള ലോക്ക് ഡൗണില്‍ ഇളവു വന്ന് വിപണി സാധാരണ നിലയിലേക്കു നീങ്ങുന്നതോടെ സ്വര്‍ണ വില ഉയരുമെന്നാണ് വിലയിരുത്തപ്പെടുന്നത്. ധന വിപണിയില്‍ ആഗോളതലത്തിലുണ്ടായിട്ടുള്ള അനിശ്ചിതത്വത്തോടെ നിക്ഷേപകര്‍ സ്വര്‍ണത്തിലേക്കു തിരിയുമെന്നാണ് കണക്കാക്കപ്പെടുന്നത്. അതോടെ സ്വര്‍ണ വിലയില്‍ കുതിപ്പുണ്ടായേക്കും.