ന്യൂഡല്‍ഹി: ജപ്പാനെ മറികടന്ന് ഇന്ത്യ ലോകത്തിലെ നാലാമത്തെ വലിയ സമ്പദ്വ്യവസ്ഥയായി മാറിയെന്ന് നീതി ആയോഗ് സിഇഒ ബിവിആര്‍ സുബ്രഹ്മണ്യം. നീതി ആയോഗിന്റെ പത്താമത് ഭരണസമിതി യോഗത്തിന് ശേഷം മാധ്യമപ്രവര്‍ത്തകരോട് സംസാരിക്കുകയായിരുന്നു നീതി ആയോഗ് സിഇഒ.

യാത്രയ്ക്ക് പുറമേ ഇനി സാധനങ്ങളും കൊണ്ടുപോകും; ചരക്ക് ഗതാഗതം കൂടി ആരംഭിക്കാന്‍ ഒരുങ്ങി കൊച്ചി മെട്രോ

മൊത്തത്തിലുള്ള ഭൗമരാഷ്ട്രീയ, സാമ്പത്തിക അന്തരീക്ഷം ഇന്ത്യയ്ക്ക് അനുകൂലമാണെന്നും അദ്ദേഹം പറഞ്ഞു. 'ഞാന്‍ പറയുമ്പോള്‍ നമ്മള്‍ നാലാമത്തെ വലിയ സമ്പദ്വ്യവസ്ഥയാണ്. നമ്മള്‍ 4 ലക്ഷം കോടി ഡോളര്‍ സമ്പദ്വ്യവസ്ഥയാണ്,'- അദ്ദേഹം കൂട്ടിച്ചേര്‍ത്തു. ഐഎംഎഫ് ഡാറ്റ ഉദ്ധരിച്ചാണ് സുബ്രഹ്മണ്യം ഇക്കാര്യം പറഞ്ഞത്.

70 പുതിയ 50 ആവുമ്പോൾ, ഇത് സിൽവർ ഇക്കോണമിയുടെ കാലം; കേരളത്തിനും പ്രതീക്ഷയാവുന്ന ഐഎംഎഫ് റിപ്പോർട്ട്

ഇന്ത്യ ഇന്ന് ജപ്പാനേക്കാള്‍ വലുതാണ്.യുഎസ്, ചൈന, ജര്‍മ്മനി എന്നീ രാജ്യങ്ങള്‍ മാത്രമാണ് ഇന്ത്യയേക്കാള്‍ വലുത്. ആസൂത്രണം ചെയ്ത കാര്യങ്ങളില്‍ ഉറച്ചുനിന്നാല്‍ 2.5-3 വര്‍ഷത്തിനുള്ളില്‍ നമ്മള്‍ മൂന്നാമത്തെ വലിയ സമ്പദ്വ്യവസ്ഥയായി മാറും'- സുബ്രഹ്മണ്യം ആത്മവിശ്വാസം പ്രകടിപ്പിച്ചു. 'താരിഫ് എന്തായിരിക്കുമെന്ന അനിശ്ചിതത്വം നിലനില്‍ക്കുന്നുണ്ട്. ചലനാത്മകത കണക്കിലെടുക്കുമ്പോള്‍, ഉല്‍പ്പാദിപ്പിക്കാന്‍ ഏറ്റവും ചെലവ് കുറഞ്ഞ സ്ഥലം നമ്മുടേതായിരിക്കും'- യുഎസില്‍ വില്‍ക്കുന്ന ആപ്പിള്‍ ഐഫോണുകള്‍ ഇന്ത്യയിലോ മറ്റെവിടെയെങ്കിലുമോ അല്ല, അമേരിക്കയില്‍ തന്നെ നിര്‍മ്മിക്കുമെന്ന് പ്രതീക്ഷിക്കുന്നുവെന്ന യുഎസ് പ്രസിഡന്റ് ഡോണള്‍ഡ് ട്രംപിന്റെ പ്രസ്താവനയ്ക്ക് മറുപടിയായി സുബ്രഹ്മണ്യം പറഞ്ഞു.