ന്യൂഡല്‍ഹി: ഗൂഗിളുമായി സഹകരിച്ച് അത്യാധുനിക നാവിഗേഷന്‍ സംവിധാനം വികസിപ്പിക്കുമെന്ന് ആഡംബര വാഹന നിര്‍മ്മാതാക്കളായ മെഴ്‌സിഡസ്-ബെന്‍സ്. പുതിയ എംബി.ഒഎസ് ഓപ്പറേറ്റിങ് സിസ്റ്റത്തിനായാണ് ബ്രാന്‍ഡഡ് നാവിഗേഷന്‍ വികസിപ്പിക്കുന്നത്.
ഈ സിസ്റ്റം ഉപയോഗിച്ച് ഗൂഗിള്‍ ട്രാഫിക് വിവരങ്ങളും ഓട്ടോമാറ്റിക് റൂട്ടിംഗുകളും മെഴ്‌സിഡസ് ബെന്‍സ് കാറുകളില്‍ സജ്ജീകരിക്കാനാകും. ഇതിന് പുറമെ, കാര്‍ പാര്‍ക്ക് ചെയ്തിരിക്കുമ്പോഴോ ലെവല്‍ 3 ഓട്ടോണമസ് ഡ്രൈവിംഗ് മോഡില്‍ ആയിരിക്കുമ്പോഴോ ഡ്രൈവര്‍ക്ക് യൂട്യൂബ് കാണാനും അവസരം നല്‍കുന്നു.
മോഡുലാര്‍ ആര്‍ക്കിടെക്ചര്‍ അല്ലെങ്കില്‍ എംഎംഎ പ്ലാറ്റ്‌ഫോമിലെ വാഹനങ്ങളില്‍ ഈ ദശകത്തിന്റെ മധ്യത്തില്‍ എംബി.ഒഎസ് ഓപ്പറേറ്റിംഗ് സിസ്റ്റം ആരംഭിക്കുമെന്നാണ് റിപ്പോര്‍ട്ടുകള്‍. ഗൂഗിള്‍ ക്ലൗഡ് ഡാറ്റ, ആര്‍ട്ടിഫിഷ്യല്‍ ഇന്റലിജന്‍സ് എന്നിവയുമായി കൂടുതല്‍ സഹകരിച്ച് പര്യവേക്ഷണം നടത്തുമെന്നും മെഴ്‌സിഡസ് -ബെന്‍സ് പ്രസ്താവനയില്‍ പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates