ഏറെ ജനപ്രിയമായ സോഷ്യൽ മീഡിയ പ്ലാറ്റ്ഫോമാണ് ഇൻസ്റ്റ​ഗ്രാം. ഓരോ തവണയും ഇൻസ്റ്റാ​ഗ്രാമിൽ പുതിയ ഫീച്ചറുകളാണ് മെറ്റ കൊണ്ട് വരുന്നത്.എന്നാൽ ഇത്തവണ ലൈവ് വീഡിയോകളിലുള്ള നിയന്ത്രണമാണ് മെറ്റ ഇൻസ്റ്റ​ഗ്രാമിൽ പുതുതായി അവതരിപ്പിച്ച മാറ്റം.

പുതിയ നിയമപ്രകാരം എല്ലാ ഉപയോക്താക്കൾക്കും ഇൻസ്റ്റ​ഗ്രാമിൽ ലൈവ് ചെയ്യാൻ സാധിക്കില്ല. കുറഞ്ഞത് 1,000 ഫോളോവേഴ്‌സുള്ള, പബ്ലിക് അക്കൗണ്ട് ഉള്ളവർക്കുമാത്രമേ ഇൻസ്റ്റ​ഗ്രാമിൽ ഇനി ലൈവ് ചെയ്യാൻ സാധിക്കുള്ളു. ഇതുവരെ, ഏതൊരു ഉപയോക്താവിനും അവരുടെ ഫോളോവേഴ്‌സിന്റെ എണ്ണം പരിഗണിക്കാതെ ലൈവ് ചെയ്യാൻ പറ്റുമായിരുന്നു.

പക്ഷെ പല ചെറിയ ക്രിയേറ്റർമാരേയും,ഇൻസ്റ്റ​ഗ്രാം ഉപയോ​ഗിക്കുന്ന ആളുകൾക്കും ഈ അപ്ഡേഷൻ ബാധിക്കും.അതിനാൽ തന്നെ ഒരു സമ്മിശ്ര അഭിപ്രായമാണ് സോഷ്യൽ മീഡിയയിൽ ഈ മാറ്റത്തിനെ ചുറ്റിപ്പറ്റി വരുന്നത്.പക്ഷെ ഇതുവരെ എന്തുകൊണ്ടാണ് ഈ മാറ്റം എന്ന മെറ്റ അറിയിച്ചിട്ടില്ല.