ന്യൂഡല്ഹി: പ്രമുഖ സ്മാര്ട്ട്ഫോണ് നിര്മ്മാതാക്കളായ മോട്ടോറോള ഇന്ത്യയില് പുതിയ സ്മാര്ട്ട്ഫോണ് പുറത്തിറക്കി. നിരവധി ഫീച്ചറുകളോടെ എഡ്ജ് 60 ഫൈവ് ജി (Motorola Edge 60 5G) സ്മാര്ട്ട്ഫോണ് ആണ് വിപണിയില് അവതരിപ്പിച്ചത്. എഡ്ജ് 60 സീരീസിലെ ഏറ്റവും പുതിയ മോഡലാണിത്. എഡ്ജ് 60 പ്രോ, എഡ്ജ് 60 സ്റ്റൈലസ്, എഡ്ജ് 60 ഫ്യൂഷന് എന്നിവയാണ് സീരീസിലെ മറ്റു ഫോണുകള്.
എഡ്ജ് 60 ഫൈവ് ജി ഒരൊറ്റ സ്റ്റോറേജ് വേരിയന്റില് ലഭ്യമാണ്. 5500mAh ബാറ്ററിയാണ് ഇതിന് കരുത്തുപകരുക. 50MP സെല്ഫി കാമറ, മികച്ച 12GB റാം എന്നിവയാണ് മറ്റു സവിശേഷതകള്. 12GB റാമും 256GB സ്റ്റോറേജും ഉള്ള മോട്ടോറോള എഡ്ജ് 60 ന്റെ വില 25,999 രൂപയാണ്. ഉപഭോക്താക്കള്ക്ക് ആകര്ഷകമായ രണ്ട് കളര് ഓപ്ഷനുകള് ലഭ്യമാണ്. ജിബ്രാള്ട്ടര് സീ, പാന്റോണ് ഷാംറോക്ക് എന്നിവയാണ് രണ്ടു കളറുകള്.
ജൂണ് 17 ന് ആദ്യ വില്പ്പന നടക്കും. ഫ്ലിപ്പ്കാര്ട്ട്, മോട്ടോറോള ഇ-സ്റ്റോര്, റിലയന്സ് ഡിജിറ്റല് എന്നിവയിലൂടെ ഫോണ് ലഭ്യമാകും. പ്രാരംഭ വില്പ്പനയില് 1,000 രൂപ കിഴിവ് വാഗ്ദാനം ചെയ്യുന്നു. ഈ സ്മാര്ട്ട്ഫോണില് 6.67 ഇഞ്ച് 1.5K pOLED ഡിസ്പ്ലേയുണ്ട്. ഇതില് ക്വാഡ്-കര്വ്ഡ് ഡിസൈനും ഇന്-ഡിസ്പ്ലേ ഫിംഗര്പ്രിന്റ് സെന്സറും ഉള്പ്പെടുന്നു. ഡിസ്പ്ലേ 120Hz റിഫ്രഷ് റേറ്റിനെ പിന്തുണയ്ക്കുന്നു. 4,500 നിറ്റ്സ് വരെ പീക്ക് ബ്രൈറ്റ്നസ് ലെവലില് എത്താനും കഴിയും. സ്ക്രീന് സ്മാര്ട്ട് വാട്ടര് ടച്ച് 3.0 സാങ്കേതികവിദ്യയില് പ്രവര്ത്തിക്കുന്നു.
എഡ്ജ് 60 മീഡിയാടെക് ഡൈമെന്സിറ്റി 7400 പ്രോസസറാണ് വാഗ്ദാനം ചെയ്യുന്നത്. 12 ജിബി റാമും 256 ജിബി വരെ ഇന്റേണല് സ്റ്റോറേജും ഇതില് ഉള്പ്പെടുന്നു. ആന്ഡ്രോയിഡ് 15 ഓപ്പറേറ്റിംഗ് സിസ്റ്റത്തില് പ്രവര്ത്തിക്കുന്ന മോട്ടോറോള മൂന്ന് വര്ഷത്തേക്ക് പ്രധാന അപ്ഡേറ്റുകള് വാഗ്ദാനം ചെയ്യുന്നു.
ഫോട്ടോഗ്രാഫിയുടെ കാര്യത്തില്, ഫോണിന്റെ പിന്നില് ട്രിപ്പിള് കാമറ സജ്ജീകരണമുണ്ട്. ഒപ്റ്റിക്കല് ഇമേജ് സ്റ്റെബിലൈസേഷന് (OIS) ഉള്ള 50MP പ്രധാന കാമറ, 50MP അള്ട്രാ-വൈഡ് കാമറ, 10MP ടെലിഫോട്ടോ ലെന്സ് എന്നിവ ഫോട്ടോഗ്രാഫി വിഭാഗത്തില് ഉള്പ്പെടുന്നു. സെല്ഫികള്ക്കും വീഡിയോ കോളുകള്ക്കും ഉപയോക്താക്കള്ക്ക് ആകര്ഷകമായ 50MP മുന് കാമറയെ ആശ്രയിക്കാം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates