ദ ഫിനാന്‍ഷ്യല്‍ സ്റ്റാന്‍ഡേര്‍ഡിന്റെ വെബ്‌സൈറ്റ് മിഴി തുറന്നു 
Business

'സാമ്പത്തിക ലോകത്തേയ്ക്കുള്ള കണ്ണാടി'; പുതിയ അധ്യായം ചേര്‍ത്ത് ദ ന്യൂ ഇന്ത്യന്‍ എക്‌സ്പ്രസ്, ദ ഫിനാന്‍ഷ്യല്‍ സ്റ്റാന്‍ഡേര്‍ഡ് വെബ്‌സൈറ്റ് മിഴിതുറന്നു

ദ ന്യൂ ഇന്ത്യന്‍ എക്‌സ്പ്രസ് ഗ്രൂപ്പിന്റെ ചരിത്രത്തില്‍ പുതിയ ഒരു അധ്യായം കൂടി ചേര്‍ത്ത് ദേശീയ തലത്തില്‍ പുറത്തിറങ്ങുന്ന ബിസിനസ് പത്രമായ ദ ഫിനാന്‍ഷ്യല്‍ സ്റ്റാന്‍ഡേര്‍ഡിന്റെ വെബ്‌സൈറ്റ് മിഴി തുറന്നു

Author : സമകാലിക മലയാളം ഡെസ്ക്
Edited By : Dhanoj AM

ദ ന്യൂ ഇന്ത്യന്‍ എക്‌സ്പ്രസ് ഗ്രൂപ്പിന്റെ ചരിത്രത്തില്‍ പുതിയ ഒരു അധ്യായം കൂടി ചേര്‍ത്ത് ദേശീയ തലത്തില്‍ പുറത്തിറങ്ങുന്ന ബിസിനസ് പത്രമായ ദ ഫിനാന്‍ഷ്യല്‍ സ്റ്റാന്‍ഡേര്‍ഡിന്റെ വെബ്‌സൈറ്റ് മിഴി തുറന്നു. ബിസിനസ്, വിപണികള്‍, സാമ്പത്തിക ലോകം എന്നിങ്ങനെ വിവിധ രംഗങ്ങളില്‍ അനുനിമിഷം ഉണ്ടാകുന്ന മാറ്റങ്ങള്‍ വായനക്കാരില്‍ എത്തിക്കുകയാണ് ലക്ഷ്യം. പത്രം ഉടന്‍ തന്നെ വായനക്കാരുടെ കൈകളില്‍ എത്തും.

ഇന്ത്യയുടെ സാമ്പത്തിക പരിവര്‍ത്തനത്തിന്റെ സമഗ്രതയും സങ്കീര്‍ണതയും ഉള്‍ക്കൊള്ളുന്ന ഒരു പ്രസിദ്ധീകരണം ആവശ്യമാണെന്ന വിശ്വാസമാണ് ഇതിന് പിന്നില്‍. പ്രധാനമായും ഇന്ത്യയുടെ സാമ്പത്തിക ശക്തി കുടിക്കൊള്ളുന്നത് രാജ്യത്തുടനീളമുള്ള നൂറ് കണക്കിന് സംരംഭക വ്യവസായ കൂട്ടായ്മകളിലാണ്. ഇവ പ്രാദേശിക സമ്പദ് വ്യവസ്ഥയ്ക്ക് കരുത്തേകുകയും തൊഴിലവസരങ്ങള്‍ സൃഷ്ടിക്കുകയും ദേശീയ വളര്‍ച്ചയ്ക്ക് വലിയ സംഭാവനകള്‍ നല്‍കുകയും ചെയ്യുന്നുണ്ട്. എന്നാല്‍ പലപ്പോഴും മുഖ്യധാര ബിസിനസ് ചര്‍ച്ചകളില്‍ ഇത് ഇടംപിടിക്കാറില്ല. ഇത്തരം സംരംഭങ്ങളെയും സമൂഹങ്ങളെയും അവയുടെ ഭാവി സാധ്യതകളെ സ്വാധീനിക്കുന്ന വിശാലമായ ദേശീയ, ആഗോള സാമ്പത്തിക വ്യവസ്ഥയുമായി ബന്ധിപ്പിക്കാനാണ് ദ ഫിനാന്‍ഷ്യല്‍ സ്റ്റാന്‍ഡേര്‍ഡ് ശ്രമിക്കുക.

എഐയുടെ ദ്രുതഗതിയിലുള്ള ഉയര്‍ച്ച, മാറിക്കൊണ്ടിരിക്കുന്ന ഭൗമരാഷ്ട്രീയം, വ്യാപാരത്തിലും വിപണിയിലുമുള്ള പ്രക്ഷുബ്ധത എന്നിവയാല്‍ രൂപപ്പെട്ട ഇന്ത്യന്‍ ബിസിനസ് നിര്‍ണായകമായ വഴിത്തിരിവിലാണ്. ഫിനാന്‍ഷ്യല്‍ സ്റ്റാന്‍ഡേര്‍ഡും വെബ്‌സൈറ്റും വായനക്കാരെ ഈ സങ്കീര്‍ണതയിലേക്ക് നയിക്കാനും അവര്‍ക്ക് അത് എന്താണ് അര്‍ത്ഥമാക്കുന്നതെന്ന് മനസിലാക്കാനും അറിവുള്ള തെരഞ്ഞെടുപ്പുകള്‍ നടത്താനും സഹായിക്കും.

New Indian Express Group today launched financialstandard.com

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മലയാളത്തിൽ പാളിയാലും തെലുങ്കിൽ 'ഡിക്യു​ഗാരു ഗ്യാരണ്ടി'; കേരളത്തിൽ സ്ക്രീനുകൾ കൂട്ടി 'എഒടി', ഹൈദരാബാദിൽ സോൾഡ് ഔ‌ട്ട്

ഗോപിച്ചേട്ടനൊപ്പം അഭിനയിക്കുമ്പോള്‍ അപ്പനെ ഓര്‍മ വന്നു, കണ്ണു നിറഞ്ഞു; അന്ന് അദ്ദേഹം പറഞ്ഞ വാക്കുകള്‍...: കുഞ്ചാക്കോ ബോബന്‍

'കൊല്ലത്ത് നടന്നതാണ് അത്, ഇന്ന് എല്ലാവരും ചിരിക്കും, അന്നത് പറയുമ്പോൾ ഭയങ്കര ടെൻഷനായിരുന്നു'; 'ഒത്തില്ല' ഡയലോ​ഗിന് പിന്നിലെ കഥ പറഞ്ഞ് നടൻ

ബിസ്ക്കറ്റും പലഹാരങ്ങളും മാറ്റി, സ്നാക്ക് ആയി അടുക്കളയിൽ എപ്പോഴും ഇവ കരുതാം

ജുറേലിന്റെ 'ഒറ്റ കൈ സ്ക്രീമർ'!!! വിസ്മയ ക്യാച്ചിൽ നിക്കോള്‍സ് ഞെട്ടി! (വിഡിയോ)