ന്യൂഡല്‍ഹി: പ്രമുഖ ടെലികോം കമ്പനിയായ റിലയന്‍സ് ജിയോ പുതിയ പ്രീപെയ്ഡ് പ്ലാന്‍ അവതരിപ്പിച്ചു. സാധാരണ ഡാറ്റയ്ക്കും കോളിംഗിനും പുറമെ നിരവധി അധിക ആനുകൂല്യങ്ങളും വാഗ്ദാനം ചെയ്യുന്ന 459 രൂപയുടെ പ്ലാന്‍ ആണ് അവതരിപ്പിച്ചത്. ഫോണില്‍ സിനിമ കാണാനും ഗെയിമുകള്‍ കളിക്കാനും ഇഷ്ടപ്പെടുന്നവര്‍ക്ക് ഏറെ അനുയോജ്യമായ പ്ലാനാണിത്.

പ്രതിദിനം 2 ജിബി ഹൈ-സ്പീഡ് ഡാറ്റ, കൂടാതെ 5 ജിബി ബോണസ് ഡാറ്റ എന്നിവയാണ് ഡാറ്റ വിഭാഗത്തില്‍ ലഭിക്കുക. 28 ദിവസം കാലാവധിയുള്ള പ്ലാന്‍ അണ്‍ലിമിറ്റഡ് വോയിസ് കോളും വാഗ്ദാനം ചെയ്യുന്നു. ഈ പ്ലാനിനൊപ്പം സ്‌നാപ്ചാറ്റ് പ്ലസ് സബ്സ്‌ക്രിപ്ഷന്‍ സൗജന്യമായി ലഭിക്കുന്നു. ഇതുവഴി സ്‌നാപ്ചാറ്റിലെ എക്സ്‌ക്ലൂസീവ് ഫീച്ചറുകള്‍ ഉപയോഗിക്കാം. ആര്‍ട്ടിഫിഷ്യല്‍ ഇന്റലിജന്‍സ് സേവനമായ ഗൂഗിള്‍ ജെമിനിയും ഈ പ്ലാനിന്റെ ഭാഗമായി സൗജന്യമായി ഉപയോഗിക്കാം.

ക്ലൗഡ് ഗെയിമിംഗ് ഉള്‍പ്പെടെയുള്ള സൗകര്യങ്ങള്‍ ലഭിക്കുന്നതിനാല്‍ വിലകൂടിയ സ്മാര്‍ട്ട്‌ഫോണുകള്‍ ഇല്ലാതെ തന്നെ മികച്ച ഗെയിമുകള്‍ കളിക്കാനാകും.മൈജിയോ (MyJio) ആപ്പ്, ജിയോയുടെ ഔദ്യോഗിക വെബ്‌സൈറ്റ് അല്ലെങ്കില്‍ അടുത്തുള്ള റീട്ടെയില്‍ സ്റ്റോറുകള്‍ വഴി ഉപഭോക്താക്കള്‍ക്ക് ഈ പ്ലാന്‍ റീചാര്‍ജ് ചെയ്യാവുന്നതാണ്. റീചാര്‍ജ് ചെയ്താലുടന്‍ എല്ലാ ആനുകൂല്യങ്ങളും ലഭ്യമാകും.