ന്യൂഡല്‍ഹി: ഡോളറിനെതിരെ വീണ്ടും തിരിച്ചുകയറി രൂപ. ഇന്ന് വ്യാപാരത്തിനിടെ അഞ്ചുപൈസയുടെ നേട്ടത്തോടെ 84.66 എന്ന നിലയിലാണ് രൂപയുടെ മൂല്യം. ഇന്നലെ മൂന്ന് പൈസയുടെ നേട്ടമാണ് രൂപ രേഖപ്പെടുത്തിയത്.

84.76 എന്ന സര്‍വകാല റെക്കോര്‍ഡ് താഴ്ചയിലേക്ക് കൂപ്പുകുത്തിയ ശേഷമാണ് രൂപയുടെ തിരിച്ചുവരവ്. ദിവസങ്ങള്‍ക്കിടെ പത്തുപൈസയുടെ നേട്ടമാണ് രൂപയ്ക്ക് ഉണ്ടായത്. ഡോളര്‍ ശക്തിയാര്‍ജിക്കുന്നത്, അസംസ്‌കൃത എണ്ണ വില ഉയരുന്നത് അടക്കമുള്ള ഘടകങ്ങളാണ് രൂപയുടെ മൂല്യത്തെ സ്വാധീനിക്കുന്നത്.

ഇപിഎഫ്ഒ: യൂണിവേഴ്സല്‍ അക്കൗണ്ട് നമ്പര്‍ ആക്ടിവേഷന്‍ സമയപരിധി നീട്ടി

അതേസമയം ഇന്നലെ നേട്ടം രേഖപ്പെടുത്തിയ ഓഹരി വിപണി ഇന്ന് നഷ്ടത്തിലാണ് വ്യാപാരം ആരംഭിച്ചത്. 75 പൈസയുടെ നഷ്ടത്തോടെ 81,700 പോയിന്റിന് താഴെയാണ് സെന്‍സെക്‌സ്. ഇന്നലെ സെന്‍സെക്‌സ് 800ലധികം പോയിന്റ് ആണ് മുന്നേറിയത്. ബജാജ് ഓട്ടോ, ഐടിസി, പവര്‍ ഗ്രിഡ് കോര്‍പ്പറേഷന്‍ എന്നി ഓഹരികളാണ് പ്രധാനമായി നേട്ടം ഉണ്ടാക്കിയത്.