കൊച്ചി: എയര് ഇന്ത്യ എക്സ്പ്രസ് വിമാനങ്ങളില് ഒരേ യാത്രയ്ക്ക് നാല് നിരക്കുകളില് യാത്ര ചെയ്യാനാകുന്ന സൗകര്യം. എക്സ്പ്രസ് വാല്യൂ, എക്സ്പ്രസ് ലൈറ്റ്, എക്സ്പ്രസ് ഫ്ലെക്സ്, എന്നിവയ്ക്ക് പുറമേ എക്സ്പ്രസ് ബിസ് എന്ന പേരില് ബിസിനസ് ക്ലാസ് സേവനങ്ങള് ലഭ്യമാക്കുന്ന ടിക്കറ്റ് നിരക്കുകളും എയര്ലൈന് പുതുതായി അവതരിപ്പിച്ചു.
നിലവിലുള്ള 15 കിലോ ചെക്ക് ഇന് ബാഗേജോടു കൂടിയ യാത്രയ്ക്കാണ് എക്സ്പ്രസ് വാല്യൂ നിരക്ക്, ചെക്ക് ഇന് ബാഗേജില്ലാത്ത യാത്രയ്ക്കുള്ള പ്രത്യേക നിരക്കാണ് എക്സ്പ്രസ് ലൈറ്റ്, എത്ര തവണ വേണമെങ്കിലും ചെയിഞ്ച് ഫീ ഇല്ലാതെ യാത്രയ്ക്ക് രണ്ട് മണിക്കൂര് മുമ്പ് വരെ വിമാനം മാറാന് കഴിയുന്നതാണ് എക്സ്പ്രസ് ഫ്ലെക്സ്. ഇതിന് പുറമേയാണ് എക്സ്പ്രസ് ബിസ് ടിക്കറ്റ് നിരക്കുകള് എയര്ലൈന് അവതരിപ്പിച്ചത്.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
എയര് ഇന്ത്യ എക്സ്പ്രസിന്റെ പുതിയ വിമാനങ്ങളിലാണ് എക്സ്പ്രസ് ബിസ് എന്ന പേരില് ബിസിനസ് ക്ലാസ് സേവനങ്ങള് അവതരിപ്പിച്ചിരിക്കുന്നത്. വിമാനനിര വിപുലമാക്കുന്നതിന്റെ ഭാഗമായി 4 പുതിയ വിമാനങ്ങള് വീതമാണ് എയര് ഇന്ത്യ എക്സ്പ്രസ് ഓരോ മാസവും പുറത്തിറക്കുന്നത്. എക്സ്പ്രസ് ബിസ് ടിക്കറ്റുകള് ബുക്ക് ചെയ്യുമ്പോള് ആഭ്യന്തര യാത്രകളില് 25 കിലോയുടെയും രാജ്യാന്തര യാത്രയില് 40 കിലോയുടെയും വര്ധിപ്പിച്ച ബാഗേജ് അവലന്സ് ലഭിക്കും. കൂടുതല് ലെഗ്റൂമോടു കൂടിയ ബിസിനസ് ക്ലാസ് സീറ്റിങ്ങും എക്സ്പ്രസ് എഹഡ് മുന്ഗണനാ സേവനങ്ങളും സൗജന്യ ഗൊര്മേര് ഭക്ഷണവും എക്സ്പ്രസ് ബിസിന്റെ ഭാഗമായി യാത്രക്കാര്ക്ക് ലഭിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates