മുംബൈ: റിലയന്സ് ജിയോയ്ക്ക് വെല്ലുവിളി സൃഷ്ടിച്ച് പുതിയ പ്രീപെയ്ഡ് പ്ലാനുമായി പ്രമുഖ ടെലികോം കമ്പനി എയര്ടെല് രംഗത്ത്. ജിയോയുടെ 19 രൂപയുടെ ആകര്ഷണീയമായ പ്ലാന് ബദലായി, സമാനമായ സേവനങ്ങള് ലഭിക്കുന്ന ഒന്പതു രൂപയുടെ റീചാര്ജ് പായ്ക്കാണ് എയര്ടെല് അവതരിപ്പിച്ചിരിക്കുന്നത്.
അണ്ലിമിറ്റഡ് എസ്ടിഡി, ലോക്കല്, റോമിങ് സൗകര്യങ്ങള്ക്ക് ഒപ്പം 100 എംബി ഡേറ്റയും ലഭ്യമാക്കുന്ന ഒരു ദിന കാലാവധിയുളള പ്ലാനാണ് എയര്ടെല് കൊണ്ടുവന്നിരിക്കുന്നത്. 100 എസ്എംഎസും പുതിയ പ്ലാനിന്റെ പ്രത്യേകതയാണെന്ന് കമ്പനി അവകാശപ്പെടുന്നു.ദില്ലി ഉള്പ്പെടെ വിവിധ സര്ക്കിളുകളില് ഈ പ്ലാന് പ്രാബല്യത്തില് വന്നു.
അടുത്തിടെ 93 രൂപയുടെ പ്രീപെയ്ഡ് പ്ലാന് എയര്ടെല് പരിഷ്കരിച്ചിരുന്നു. ജിയോയുടെ 98 രൂപയുടെ പ്ലാന് സമാന്തരമായാണ് എയര്ടെല് പ്ലാന് പരിഷ്കരിച്ചത്. നേരത്തെ 28 ദിവസം കാലാവധിയുളള എയര്ടെലിന്റെ പ്രീപെയ്ഡ് പ്ലാന് മൊബൈല് ഉപഭോക്താക്കളെ ആകര്ഷിച്ചിരുന്നു. ഒരു ജിബി ഡേറ്റയും സൗജന്യ ലോക്കല്, എസ്ടിഡി കോളുകളും ലഭ്യമാക്കിയാണ് ഈ പ്ലാന് എയര്ടെല് അവതരിപ്പിച്ചത്. സൗജന്യ റോമിങിന് ഒപ്പം പ്രതിദിനം 100 എസ്എംഎസും സൗജന്യ സേവനമായി ലഭിച്ചിരുന്നതാണ് ഈ പ്ലാനിന്റെ മറ്റൊരു പ്രത്യേകത.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates