ബംഗളുരു: ബൈക്ക് അപകടം ഉണ്ടായാല്‍ എമര്‍ജന്‍സി നമ്പറുകളിലേക്ക് ഉടന്‍ തന്നെ സന്ദേശമെത്തിക്കുന്ന ഹെല്‍മെറ്റ് എഞ്ചിനീയറിങ് വിദ്യാര്‍ത്ഥികള്‍ വികസിപ്പിച്ചെടുത്തു. ബംഗളുരുവിലെ മൂന്നാം വര്‍ഷ എഞ്ചിനീയറിങ് വിദ്യാര്‍ത്ഥികളായ സായ് വെങ്കട്ട് പത്രോ, നികിത, മേഘ എന്നിവരാണ് ഈ കണ്ടുപിടിത്തത്തിന് പിന്നില്‍.
ജിപിഎസ് വഴി അപകടത്തിലായ ആള്‍ ഉള്ള കൃത്യം സ്ഥലം എമര്‍ജന്‍സി നമ്പറുകളിലേക്ക് കൈമാറുന്ന തരത്തിലാണ് ഹെല്‍മെറ്റ് രൂപകല്‍പ്പന ചെയ്തിരിക്കുന്നത്. പൂര്‍ത്തിയായിക്കഴിഞ്ഞാല്‍ 7000 മുതല്‍ 8000 രൂപ വരെ ഹെല്‍മെറ്റിന് വിലയിടാനാണ് വിദ്യാര്‍ത്ഥികളുടെ തീരുമാനം. പരീക്ഷണങ്ങള്‍ വിജയകരമായാണ് ഇവര്‍ പൂര്‍ത്തിയാക്കിയത്.
ഹെല്‍മെറ്റിന്റെ പേറ്റന്റിനായി സംഘം അപേക്ഷ സമര്‍പ്പിച്ചു കഴിഞ്ഞു. ഇത് ലഭിച്ചാലുടന്‍ സ്മാര്‍ട്ട് ഹെല്‍മെറ്റുകള്‍ വിപണിയില്‍ എത്തിക്കും. ബൈക്കുകള്‍ക്കൊപ്പം ഹെല്‍മെറ്റും വില്‍ക്കുന്ന രീതിയിലാവും ആദ്യം ക്രമീകരിക്കുക. ബൈക്ക് യാത്രികരുടെ ജീവന്‍ രക്ഷിക്കുന്നതായത് കൊണ്ട് തന്നെ ' കവച്' എന്ന പേരാണ് സ്മാര്‍ട്ട് ഹെല്‍മെറ്റിന് വിദ്യാര്‍ത്ഥികള്‍ നല്‍കിയിരിക്കുന്നത്. കുട്ടികള്‍ക്കായുള്ള 'കവച് ജൂനിയറും' അധികം വൈകാതെ വിപണിയില്‍ എത്തിക്കാനാണ് ഇവരുടെ ലക്ഷ്യം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates