മുംബൈ: ഇലക്ട്രോണിക് ഉത്പന്നങ്ങള്‍ക്ക് വമ്പന്‍ ഓഫറുമായി ഫ്‌ളിപ്‌ കാര്‍ട്ടിന്റെ മൂന്ന് ദിവസത്തെ ഷോപ്പിങ് മാമാങ്കത്തിന് ഇന്ന് തുടക്കം. ഫ്‌ളിപ്‌ സ്റ്റാര്‍ട്ട് സെയിലെന്നാണ് ഡിസ്‌കൗണ്ട് മേളയ്ക്ക് പേര് തന്നെ നല്‍കിയിരിക്കുന്നത്. 

ലാപ് ടോപ്, പവര്‍ ബാങ്ക്, ഹെഡ്‌ഫോണ്‍ തുടങ്ങിയവയ്ക്ക് 80 ശതമാനം വരെയാണ് കമ്പനി വിലക്കുറവ് പ്രഖ്യാപിച്ചിരിക്കുന്നത്. വീട്ടുപകരണങ്ങള്‍ക്കും ടിവിയ്ക്കും 75 ശതമാനം വരെ ഡിസ്‌കൗണ്ട് പ്രഖ്യാപിച്ചിട്ടുണ്ട്. ആക്‌സിസ് ബാങ്കുമായി സഹകരിച്ചാണ് ഷോപിങ് മേള നടത്തുന്നത്. ബാങ്കിന്റെ ക്രഡിറ്റ്/ ഡെബിറ്റ് കാര്‍ഡുള്ളവര്‍ക്ക് 10 ശതമാനം വിലക്കുറവ് നല്‍കുമെന്നും കമ്പനി വ്യക്തമാക്കിയിട്ടുണ്ട്. 

ജൂണ്‍ ഒന്നിന് രാവിലെ ആരംഭിക്കുന്ന ഓഫര്‍ മൂന്നാം തിയതി വരെയാണ് ലഭ്യമാകുക. ഫര്‍ണിച്ചറുകള്‍ക്കും ഫാഷന്‍ സാധനങ്ങള്‍ക്കും ആകര്‍ഷകമായ വിലക്കുറവും ഫ്‌ളിപ്‌ കാര്‍ട്ട് പ്രഖ്യാപിച്ചിട്ടുണ്ട്.