കൊച്ചി: റെക്കോര്ഡുകള് ഭേദിച്ച് സ്വര്ണവില കുതിക്കുന്നു. രണ്ടാഴ്ചക്കിടെ, പവന് ആയിരത്തോളം രൂപ ഉയര്ന്ന് സ്വര്ണവില സര്വകാല റെക്കോര്ഡിട്ടു. ഇന്ന് 200 രൂപയാണ് ഉയര്ന്നത്. ഇതോടെ ഒരു പവന് സ്വര്ണത്തിന്റെ വില 30880 രൂപയായി. ഗ്രാമിനും കൂടി. 25 രൂപ വര്ധിച്ച് 3860 രൂപയാണ് ഒരു ഗ്രാം സ്വര്ണത്തിന്റെ വില. ആഗോളസമ്പദ് വ്യവസ്ഥയില് നിലനില്ക്കുന്ന തളര്ച്ചയാണ് സ്വര്ണവിലയില് പ്രതിഫലിക്കുന്നത്. സുരക്ഷിത നിക്ഷേപമെന്ന നിലയില് സ്വര്ണത്തെ നിക്ഷേപകര് കൂടുതലായി ആശ്രയിക്കുന്നതാണ് സ്വര്ണവില ഉയരാന് കാരണം.
ഈ മാസത്തിന്റെ തുടക്കത്തില് മുന്പത്തെ സര്വകാല റെക്കോര്ഡായ 30400 എന്ന നിലയിലായിരുന്നു ഒരു പവന് സ്വര്ണത്തിന്റെ വില. ഇത് ഘട്ടം ഘട്ടമായി കുറഞ്ഞ് 29920 രൂപയിലേക്ക് എത്തി. തുടര്ന്ന് തുടര്ച്ചയായി വില ഉയര്ന്നാണ് ഇപ്പോഴത്തെ നിലവാരത്തില് എത്തിയത്. വരും ദിവസങ്ങളിലും സ്വര്ണവില ഉയരുമെന്നാണ് റിപ്പോര്ട്ടുകള്.
കൊറോണ വൈറസ് ബാധയുടെ ഭീതി ലോകമെമ്പാടും നിലനില്ക്കുകയാണ്. അമേരിക്ക കഴിഞ്ഞാല് വലിയ സമ്പദ് വ്യവസ്ഥയായ ചൈനയെ ഇത് കാര്യമായി ബാധിച്ചിട്ടുണ്ട്. കൂടാതെ ആഗോള സാമ്പത്തിക രംഗത്ത് നിലനില്ക്കുന്ന തളര്ച്ചയും സ്വര്ണവിലയില് പ്രതിഫലിക്കുന്നതായാണ് ദൃശ്യമാകുന്നത്. സുരക്ഷിത നിക്ഷേപമെന്ന നിലയില് കൂടുതല് ആളുകള് സ്വര്ണത്തിലേക്ക് അടുക്കുന്നതാണ് വില ഉയരാന് മുഖ്യ കാരണമെന്ന് വിദഗ്ധര് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates