കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) സ്കൂൾ ഓഫ് എൻവയോൺമെന്റൽ സ്റ്റഡീസിൽ റൂസ പദ്ധതിയുടെ ഭാഗമായി ഡെവലപ്‌മെന്റ് ഓഫ് വാട്ടർ ട്രീറ്റ്മെന്റ് സിസ്റ്റംസ് എന്ന വിഷയത്തിൽ പ്രൊജക്റ്റ് അസിസ്റ്റന്റ് (ലെവൽ 1) ഒഴിവിലേക്ക് അപേക്ഷകൾ ക്ഷണിക്കുന്നു.

കെമിസ്ട്രി/എൻവയോൺമെന്റൽ സയൻസ്/ എൻവയോൺമെന്റൽ സയൻസ് ആൻഡ് ടെക്‌നോളജി/ എൻവയോൺമെന്റൽ ടെക്‌നോളജി എന്നിവയിൽ ബിരുദാനന്തര ബിരുദമാണ് യോഗ്യത. പ്രായപരിധി 30 വയസ്. പ്രതിമാസം 20000 രൂപയാണ് പ്രതിഫലം. വാട്ടർ സയൻസസ്, മെറ്റീരിയൽ സയൻസസ് , വാട്ടർ ട്രീറ്റ്മെന്റ് അനലൈസിസ്, അനലിറ്റിക്കൽ കെമിസ്ട്രി , മെറ്റീരിയൽ സയൻസ് എന്നീ വിഷയങ്ങളിൽ മുൻ പരിജയം അഭികാമ്യം.

ഉദ്യോഗാർത്ഥികൾ vsachari@cusat.ac.in / vsachariii@gmail.com/ profmadhugopal@gmail.com എന്ന വിലാസങ്ങളിൽ വിശദമായ ബയോഡാറ്റ ആഗസ്റ്റ് 21ന് മുൻപായി ലഭിക്കത്തക്കവിധം അയക്കണം. സർട്ടിഫിക്കേറ്റും ഒറിജിനൽ അപേക്ഷയുടെ കോപ്പിയുമായി ആഗസ്റ്റ് 22ന് ഇന്റർവ്യൂവിന് ഹാജരാകേണ്ടതാണ്. കൂടുതൽ വിവരങ്ങൾക്ക് 9495383342 എന്ന നമ്പറിൽ ബന്ധപെടുക.