സെന്റർ ഫോർ ഡെവലപ്‌മെന്റ് ഓഫ് അഡ്വാൻസ്ഡ് കമ്പ്യൂട്ടിങ് (C-DAC) കൺസൾട്ടന്റ് തസ്തികകളിലേക്ക് നിയമനം നടത്തുന്നു. രണ്ട് ഒഴിവുകളാണ് ഉള്ളത്. ഫുൾ ടൈം,പാർട്ട് ടൈം വിഭാഗങ്ങളിലായി ആണ് നിയമനം. ഉദ്യോഗാർത്ഥികൾക്ക് സി ഡിഎസിയുടെ ഔദ്യോഗിക വെബ്‌സൈറ്റ് വഴി ഓഫ്‌ലൈനായി അപേക്ഷിക്കാം. അപേക്ഷാ ഫോം സമർപ്പിക്കാനുള്ള അവസാന തീയതി 18-12-2025.

കൺസൾട്ടന്റ് (ഫുൾ ടൈം)

• കുറഞ്ഞത് 60% മാർക്കോടെ ഇ & സി / സിഎസ് / ഐടി / ഇഇഇ എന്നിവയിൽ ബിഇ / ബി.ടെക് പാസായിരിക്കണം.

• കുറഞ്ഞത് 15 വർഷത്തെ പോസ്റ്റ്-ക്വാളിഫിക്കേഷൻ പരിചയവും കേന്ദ്ര / സംസ്ഥാന സർക്കാർ വകുപ്പുകൾക്കായുള്ള ഐടി പ്രോജക്ടുകൾ നടപ്പിലാക്കുന്നതിൽ കുറഞ്ഞത് 10 വർഷത്തെ പരിചയവും ആവശ്യമാണ്.

• അപേക്ഷകന്റെ പരമാവധി പ്രായം 50 വയസ്.

• അഭിമുഖത്തിലെ വിലയിരുത്തലും പ്രകടനവും

  അടിസ്ഥാനമാക്കിയാണ് നിയമനം നടത്തുന്നത്.

• പ്രതിമാസ വേതനം 80,000/- രൂപ മുതൽ 1,00,000/- രൂപ വരെ.

കൺസൾട്ടന്റ് (പാർട്ട് ടൈം)

• കുറഞ്ഞത് 60% മാർക്കോടെ ഇ & സി/സിഎസ്/ഐടി/ഇഇഇയിൽ ബിഇ/ബി.ടെക് പാസായിരിക്കണം.

• കുറഞ്ഞത് 25 വർഷത്തെ പോസ്റ്റ്-ക്വാളിഫിക്കേഷൻ പരിചയവും കേന്ദ്ര/സംസ്ഥാന സർക്കാർ വകുപ്പുകൾക്കായുള്ള വലിയ തോതിലുള്ള ഐടി പ്രോജക്ടുകൾ നടപ്പിലാക്കുന്നതിൽ കുറഞ്ഞത് 15 വർഷത്തെ പരിചയവും ആവശ്യമാണ്.

• അപേക്ഷകന്റെ പരമാവധി പ്രായം 58 വയസ്

• അഭിമുഖത്തിലെ വിലയിരുത്തലും പ്രകടനവും അടിസ്ഥാനമാക്കിയാണ് നിയമനം നടത്തുന്നത്.

• ഒരു ദിവസത്തെ സന്ദർശനത്തിന് 5,000 മുതൽ 10,000 രൂപ വരെ ശമ്പളം ലഭിക്കും.

കൂടുതൽ വിവരങ്ങൾക്ക് ഇവിടെ ക്ലിക്ക് ചെയ്യുക.

https://www.cdac.in/index.aspx?id=ca_NotificationConsultant04122025