സിബിഎസ്ഇ 12-ാം ക്ലാസ് ഫലം ഉടൻ പ്രഖ്യാപിക്കുമെന്നാണ് റിപ്പോർട്ടുകൾ. ഈ വര്‍ഷം ഫെബ്രുവരി 17 മുതല്‍ ഏപ്രില്‍ 10 വരെ നടന്ന 12-ാം ക്ലാസ് പരീക്ഷയില്‍ ആകെ 18,59,551 വിദ്യാര്‍ഥികളാണ് പരീക്ഷ എഴുതിയത്. ഓൺലൈൻ വഴി ഫലം അറിയാൻ അവസരമുണ്ട്. ഇനി ഇന്റർനെറ്റ് ഇല്ലെങ്കിലും ഫലം അറിയാൻ വഴിയുണ്ട്.

എസ്എംഎസ് വഴി (SMS)

നിങ്ങളുടെ ഫോണിൽ നിന്ന് ഔദ്യോഗിക നമ്പറിലേക്ക് എസ്എംഎസ് അയച്ച് മാർക്കുകൾ അറിയാൻ സാധിക്കും.

ഫോർമാറ്റ്: പന്ത്രണ്ടാം ക്ലാസ് (Class 12): CBSE12 <RollNumber> <SchoolNumber> <CenterNumber> എന്ന് ടൈപ്പ് ചെയ്ത് 7738299899 എന്ന നമ്പറിലേക്ക് അയക്കുക.

ഉദാഹരണത്തിന്, നിങ്ങളുടെ റോൾ നമ്പർ 1234567, സ്കൂൾ നമ്പർ 1001, സെന്റർ നമ്പർ 5001 എന്നിങ്ങനെയാണെങ്കിൽ, CBSE12 1234567 1001 5001 എന്ന് ടൈപ്പ് ചെയ്ത് സന്ദേശം അയക്കുക. നിങ്ങളുടെ മാർക്ക് ലിസ്റ്റ് ടെക്സ്റ്റ് ആയി ലഭിക്കും.

2. IVRS വഴി (ഫോൺ കോൾ)

• ഇന്ററാക്ടീവ് വോയിസ് റെസ്‌പോൺസ് സിസ്റ്റം വഴി ഫോൺ വിളിച്ച് മാർക്കുകൾ കേട്ടറിയാം.

• ഡൽഹിയിൽ ഉള്ളവർക്ക്: 24300699 എന്ന നമ്പറിലേക്ക് വിളിക്കാം.

• ഡൽഹിക്ക് പുറത്തുള്ളവർക്ക്: 011-24300699 എന്ന നമ്പറിലേക്ക് വിളിക്കാം.

• മുകളിൽ നൽകിയിരിക്കുന്ന നമ്പറിൽ വിളിക്കുക.

• നിർദ്ദേശങ്ങൾ ശ്രദ്ധാപൂർവ്വം കേൾക്കുക.

• നിങ്ങളുടെ റോൾ നമ്പർ (Roll Number), സ്കൂൾ കോഡ് (School Code) എന്നിവ ഫോണിലെ കീപാഡ് ഉപയോഗിച്ച് ടൈപ്പ് ചെയ്യുക.

• സിസ്റ്റം ഓരോ വിഷയത്തിലെയും മാർക്കുകൾ വായിച്ചു തരും.

ഈ സേവനങ്ങൾക്ക് ടെലികോം കമ്പനികൾ നിശ്ചയിച്ചിട്ടുള്ള എസ്എംഎസ് അല്ലെങ്കിൽ കോൾ നിരക്കുകൾ ബാധകമായേക്കാം. അതിനാൽ ആവശ്യമായ ബാലൻസ് ഫോണിൽ ഉണ്ടെന്ന് ഉറപ്പുവരുത്തുക.