കൊച്ചി: കൊച്ചി ശാസ്ത്ര സാങ്കേതിക സർവകലാശാലയിലെ (കുസാറ്റ്) സ്കൂൾ ഓഫ് ഇൻഡസ്ട്രിയൽ ഫിഷറീസിൽ ടെക്‌നീഷ്യൻ ഗ്രേഡ് 2 തസ്തികയിലേക്ക് അപേക്ഷകൾ ക്ഷണിക്കുന്നു. കരാർ അടിസ്ഥാനത്തിൽ ആയിരിക്കും നിയമനം.

കെമിസ്ട്രി/സുവോളജി വിഷയത്തിൽ ബിരുദവും അനുബന്ധ വിഷയമായി കെമിസ്ട്രി പഠിച്ചവർ അല്ലെങ്കിൽ ഫിഷറി സയൻസിൽ ബിരുദമാണ് യോഗ്യത. 2 വർഷ ലബോറട്ടറി പ്രവർത്തന പരിചയം അഭികാമ്യം. താല്പര്യമുള്ള ഉദ്യോഗാർത്ഥികൾ സെപ്റ്റംബർ 10ന് മുൻപായി ഓൺലൈനായി അപേക്ഷിക്കുക.

അപേക്ഷയുടെ ഒപ്പിട്ട ഹാർഡ് കോപ്പി, പ്രായം, യോഗ്യത മുതലായവ തെളിയിക്കുന്നതിനുള്ള രേഖകളുടെ പകർപ്പുകൾ സഹിതം ‘രജിസ്ട്രാർ, കൊച്ചി ശാസ്ത്ര സാങ്കേതിക സർവകലാശാല, കൊച്ചി-22’ എന്ന വിലാസത്തിൽ സെപ്റ്റംബർ 17ന് മുൻപായി ലഭിക്കത്തക്കവിധം അയക്കണം. അപ്ലികേഷനും മറ്റ് വിവരങ്ങൾക്കും https://recruit.cusat.ac.in എന്ന വെബ്സൈറ്റ് സന്ദർശിക്കുക.