എമിറേറ്റ്‌സ് എയർലൈൻസിന്റെ ഭാഗമാകാൻ അവസരം. എയർപോർട്ട് സർവിസസ് മാനേജർ (MAA) തസ്തികയിൽ ചെന്നൈയിൽ നിയമനം നടത്തുന്നു. ബിരുദവും ബന്ധപ്പെട്ട മേഖലയിൽ പ്രവൃത്തി പരിചയം ഉള്ളവർക്ക് അപേക്ഷിക്കാം അപേക്ഷകൾ സമർപ്പിക്കേണ്ട അവസാന തീയതി ഒക്ടോബർ 28.

യോഗ്യതയും പ്രവൃത്തിപരിചയവും

അംഗീകൃത സർവകലാശാലയിൽ നിന്നുള്ള ബിരുദമാണ് അടിസ്ഥാന യോഗ്യത.

പാസഞ്ചർ സർവീസസ്, ഗ്രൗണ്ട് ഓപ്പറേഷൻസ്, ബാഗേജ് ക്ലെയിംസ്, റിസർവേഷൻസ് ആൻഡ് ടിക്കറ്റിങ്, വെയ്റ്റ് ആൻഡ് ബാലൻസ് എന്നീ മേഖലകളിൽ പ്രാവീണ്യം ആവശ്യമാണ്.

വിമാനത്താവളത്തിലെ യാത്രക്കാരുടെ കൈകാര്യം ചെയ്യൽ അല്ലെങ്കിൽ ഓപ്പറേഷൻസ് മേഖലയിൽ പ്രവൃത്തിപരിചയം വേണം.

ഇതിൽ കുറഞ്ഞത് അഞ്ച് വർഷം മാനേജീരിയൽ തലത്തിലായിരിക്കണം.

ജോലി ചുമതലകൾ

വിമാനത്താവളത്തിലെ പ്രവർത്തനങ്ങൾ സുരക്ഷിതമായും കാര്യക്ഷമമായും ചെലവ് നിയന്ത്രിച്ചും സമയബന്ധിതമായും നടത്തുക എന്നതാണ് പ്രധാന ചുമതല.

യാത്രക്കാരുടെ സേവന നിലവാരം ഉയർത്തുക, വിമാനങ്ങളുടെ സമയക്രമം പാലിക്കുന്നുണ്ടെന്ന് ഉറപ്പാക്കുക, ചെക്ക് ഇൻ നടപടികളും ബാഗേജ് സേവനങ്ങളും നിരീക്ഷിക്കുക തുടങ്ങിയവയും ജോലിയുടെ ഭാഗമാണ്

വിമാന സർവീസുകൾ വൈകുക, യാത്ര നിഷേധിക്കപ്പെടുക തുടങ്ങിയ സാഹചര്യങ്ങളിൽ യാത്രക്കാർക്ക് ആവശ്യമായ സഹായം ഉറപ്പാക്കണം.

കരിയർ വാർത്തകൾ ഉടൻ അറിയാൻ വാട്സാപ്പ് ഗ്രൂപ്പിൽ അംഗമാകൂ. ഇവിടെ ക്ലിക്ക് ചെയ്യുക https://chat.whatsapp.com/GQ0abkJF05lAfNnGmbVxsA

വിമാനം, യാത്രക്കാർ, ചരക്ക്, ബാഗേജ്, ജീവനക്കാർ എന്നിവരുടെ സുരക്ഷ ഉറപ്പാക്കുന്നതിനുള്ള നടപടികൾ നിരീക്ഷിക്കുകയും ജീവനക്കാർക്ക് ആവശ്യമായ മാർഗനിർദേശവും പരിശീലനവും നൽകുകയും വേണം.

പ്രവർത്തന റിപ്പോർട്ടുകൾ, ചെലവ് കണക്കുകൾ, ബാഗേജ് പരാതികൾ, ഇൻവോയ്സ് പരിശോധന, ജീവനക്കാരുടെ പ്രകടന വിലയിരുത്തൽ എന്നിവയും ചുമതലയിൽ ഉൾപ്പെടുന്നു.

വിമാനത്താവള അധികൃതർ, കസ്റ്റംസ്, ഇമിഗ്രേഷൻ, പൊലീസ്, ഗതാഗത അധികൃതർ തുടങ്ങിയ വിഭാഗങ്ങളുമായി സഹകരിച്ച് പ്രവർത്തിക്കണം.

അടിയന്തര സാഹചര്യങ്ങൾ നേരിടുന്നതിനുള്ള പദ്ധതികൾ തയ്യാറാക്കുകയും അവയുടെ പരിശീലനവും ഏകോപനവും ഉറപ്പാക്കുകയും വേണം.

ശമ്പളവും ആനുകൂല്യങ്ങളും

ശമ്പളവും മറ്റ് ആനുകൂല്യങ്ങളും കമ്പനി മാനദണ്ഡങ്ങൾ അനുസരിച്ചായിരിക്കും. കൃത്യമായ ശമ്പളത്തുക നൽകിയ വിവരങ്ങളിൽ വ്യക്തമാക്കിയിട്ടില്ല.

അപേക്ഷ സമർപ്പിക്കാൻ ഇവിടെ ക്ലിക്ക് ചെയ്യുക.

https://external.emiratesgroupcareers.com/en_US/careersmarketplace

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://www.emiratesgroupcareers.com/search-and-apply/26747