എച്ച്എൽഎൽ (HLL) ലൈഫ് കെയർ ലിമിറ്റഡ് മാനേജ്മെന്റ് ട്രെയിനി തസ്തികയിലേക്കുള്ള ഒഴിവുകൾ നികത്തുന്നതിന് വിജ്ഞാപനം പ്രസിദ്ധീകരിച്ചു.

ബിഇ/ബിടെക്, ബിഫാം, എംബിഎ, എംഎസ്ഡബ്ല്യു, പിജിഡിബിഎം, എംഐബി, എംപിഐബി, പിജിഡിപിഎം, എംഎ, എംഎച്ച്ആർഎം, ബിഎസ്‌സി (ഗണിതം/സ്റ്റാറ്റിസ്റ്റിക്സ്), അല്ലെങ്കിൽ സയൻസിൽ യുജി ബിരുദവും എംബിഎ (ഹോസ്പിറ്റൽ മാനേജ്‌മെന്റ്) ബിരുദവും എന്നിവയാണ് ഈ തസ്തികയിൽ അപേക്ഷിക്കാനുള്ള യോഗ്യത.

മാർച്ച് 10 വരെ ഔദ്യോഗിക വെബ്സൈറ്റ് വഴി ഓൺലൈൻ ആയി അപേക്ഷിക്കാം.

തെരഞ്ഞെടുക്കപ്പെടുന്ന ഉദ്യോഗാർത്ഥികളെ ഡെപ്യൂട്ടി മാനേജർ (E1 ലെവൽ) തലത്തിലുള്ള എക്സിക്യൂട്ടീവുകൾക്ക് ബാധകമായ അടിസ്ഥാന ശമ്പളം + ഡിഎയ്ക്ക് തുല്യമായ പ്രതിമാസ സ്റ്റൈപ്പൻഡിൽ മാനേജ്മെന്റ് ട്രെയിനിയായി നിയമിക്കും, അതായത്, അടിസ്ഥാന ശമ്പളം പ്രതിമാസം 40,000/- രൂപ + അതിന് ശേഷമുള്ള ബാധകമായ ഡിഎ.

ഒരു വർഷത്തെ പരിശീലന കാലയളവ് വിജയകരവും തൃപ്തികരവുമായി പൂർത്തിയാക്കുകയും ഈ ആവശ്യത്തിനായി നടത്തുന്ന പരീക്ഷയിൽ വിജയിക്കുകയും ചെയ്താൽ, ഡെപ്യൂട്ടി മാനേജർ (E-1 ഗ്രേഡ്) എന്ന നിലയിൽ നിയമിക്കും.

ഒഴിവുകളുടെ എണ്ണം, തസ്തികകൾ, യോഗ്യത എന്നിവ

ആകെ ഒഴിവുകളുടെ എണ്ണം: 40

മാനേജ്മെന്റ് ട്രെയിനി - എൻജിനീയറിങ്

യോഗ്യത: കെമിക്കൽ / മെക്കാനിക്കൽ / മെക്കാട്രോണിക്സ് / ബയോമെഡിക്കൽ / ഇൻസ്ട്രുമെന്റേഷൻ / ഇലക്ട്രിക്കൽ & ഇലക്ട്രോണിക്സ് / സിവിൽ / ഇൻഫർമേഷൻ ടെക്നോളജി / കമ്പ്യൂട്ടർ സയൻസ് എന്നിവയിൽ കുറഞ്ഞത് 65% മാർക്കോടെ മുഴുവൻ സമയ ബിഇ/ബി.ടെക്.

ഒഴിവുകളുടെ എണ്ണം :17

മാനേജ്മെന്റ് ട്രെയിനി - ഫാർമ

യോഗ്യത:കുറഞ്ഞത് 65% മൊത്തം മാർക്കോടെ ഫുൾടൈം ബിഫാം.

ഒഴിവുകളുടെ എണ്ണം: ആറ്

മാനേജ്മെന്റ് ട്രെയിനി - മാർക്കറ്റിങ്

യോഗ്യത: കുറഞ്ഞത് 65% മൊത്തം മാർക്കോടെ ഫുൾടൈം എംബിഎ (മാർക്കറ്റിങ്) / എംബിഎ (ഡിജിറ്റൽ മാർക്കറ്റിങ്) / 2 വർഷത്തെ പിജിഡിബിഎം (മാർക്കറ്റിങ്) (എംബിഎയ്ക്ക് തുല്യം) / എംഐബി / എംപിഐബി.

ഒഴിവുകളുടെ എണ്ണം: 10

മാനേജ്മെന്റ് ട്രെയിനി - ഹ്യൂമൻ റിസോഴ്‌സസ്

യോഗ്യത:കുറഞ്ഞത് 65% മൊത്തം മാർക്കോടെ മുഴുവൻ സമയ എംബിഎ (എച്ച്ആർ) / എംഎസ്ഡബ്ല്യു (പിഎം&ഐആർ) / രണ്ട് വർഷത്തെ പിജിഡിപിഎം (എംബിഎയ്ക്ക് തുല്യം) / എംഎ (പിഎം&ഐആർ) / എംഎച്ച്ആർഎം. എൽഎൽബിയുടെ അധിക യോഗ്യത അഭികാമ്യം.

ഒഴിവുകളുടെ എണ്ണം: രണ്ട്

മാനേജ്മെന്റ് ട്രെയിനി - സോഷ്യൽ വർക്ക്

യോഗ്യത:കുറഞ്ഞത് 65% മൊത്തം മാർക്കോടെ മുഴുവൻ സമയ എംഎസ്ഡബ്ല്യു (മെഡിക്കൽ ആൻഡ് സൈക്യാട്രി).

ഒഴിവുകളുടെ എണ്ണം: ഒന്ന്

മാനേജ്മെന്റ് ട്രെയിനി - ഡേറ്റ അനലിറ്റിക്സ്

യോഗ്യത:ബിഇ / ബിടെക് / മാത്തമാറ്റിക്സിലോ സ്റ്റാറ്റിസ്റ്റിക്സിലോ ബിഎസ് സി ഇവയിലേതെങ്കിലും കഴിഞ്ഞ ശേഷം കുറഞ്ഞത് 65% മൊത്തം മാർക്കോടെ ഫുൾടൈം എംബിഎ (ഡേറ്റ അനലിറ്റിക്സ്)

ഒഴിവുകളുടെ എണ്ണം : ഒന്ന്

മാനേജ്മെന്റ് ട്രെയിനി - ഹോസ്പിറ്റൽ മാനേജ്‌മെന്റ്

യോഗ്യത: സയൻസ് വിഷയങ്ങളിലേതിലെങ്കിലും ബിരുദവും കുറഞ്ഞത് 65% മൊത്തം മാർക്കോടെ ഫുൾടൈം എംബിഎ (ഹോസ്പിറ്റൽ മാനേജ്മെന്റ്) .

ഒഴിവുകളുടെ എണ്ണം: മൂന്ന്

പൊതുവിവരങ്ങൾ

പരമാവധി പ്രായം: 27 വയസ്സ് (01.02.2026 അടിസ്ഥാനമാക്കി)

ഇന്ത്യാ ഗവൺമെന്റ് നിയമങ്ങൾ പ്രകാരം അർഹരായവർക്ക് പ്രായപരിധിയിൽ ഇളവ് അനുവദിക്കും.

ശമ്പളം: ട്രെയിനിങ് കാലയളവിന് ശേഷം സ്ഥിര നിയമനം ലഭിക്കുമ്പോൾ 40,000/- – 1,40,000/- ശമ്പള സ്കെയിൽ

അപേക്ഷാ ഫീസ്

ജനറൽ / ഒബിസി (ക്രീമി ലെയർ & നോൺ-ക്രീമി ലെയർ) /ഇഡബ്ല്യു എസ് എന്നിവർക്ക്: 1180 രൂപ

എസ് സി, എസ് ടി, പിഡബ്ല്യുഡി എന്നിവർ അപേക്ഷാ ഫീസ് നൽകേണ്ടതില്ല.

അപേക്ഷിക്കാനുള്ള അവസാന തീയതി :മാർച്ച് 10

അപേക്ഷിക്കാനുള്ള ലിങ്ക് ഇവിടെ കാണാം

വിജ്ഞാപനം ഇവിടെ വായിക്കാം.