ഇന്റലിജന്റ് കമ്മ്യൂണിക്കേഷൻ സിസ്റ്റംസ് ഇന്ത്യ ലിമിറ്റഡ് (ICSIL) വിവിധ തസ്തികകളിൽ കരാർ നിയമനം നടത്താൻ അപേക്ഷ ക്ഷണിച്ചു. ഡാറ്റ എൻട്രി ഓപ്പറേറ്റർ, എംടിഎസ് (മൾട്ടി ടാസ്കിംഗ് സ്റ്റാഫ്) തസ്തികകളിലാണ് നിയമനം. അകെ 40 ഒഴിവുകളാണ് ഉള്ളത്. അപേക്ഷകൾ സമർപ്പിക്കാൻ ഒരു ദിവസം മാത്രമാണ് സമയം ഉള്ളത്. ഏപ്രിൽ 10 മുതൽ ഏപ്രിൽ 11 വരെ ഉദ്യോഗാർത്ഥികൾക്ക് അപേക്ഷ സമർപ്പിക്കാം.

21 വയസ്സ് തികഞ്ഞ ഉദ്യോഗാർത്ഥികൾക്ക് ആണ് അവസരം. ഡാറ്റ എൻട്രി ഓപ്പറേറ്റർ തസ്തികയ്ക്ക് ബിരുദ യോഗ്യതയും എംടിഎസ് (MTS) തസ്തികയ്ക്ക് പ്ലസ് ടു (12-ാം ക്ലാസ്) യോഗ്യതയും ഉണ്ടായിരിക്കണം. ഡാറ്റ എൻട്രി ഓപ്പറേറ്റർ,മൾട്ടി ടാസ്കിംഗ് സ്റ്റാഫ് തസ്തികയിൽ 20 ഒഴിവുകൾ വീതമാണ് ഉള്ളത്. എല്ലാ ഉദ്യോഗാർത്ഥികൾക്കും 590 രൂപയാണ് അപേക്ഷ ഫീസ്. ഇത് തിരിച്ചു ലഭിക്കില്ല.

ഡാറ്റ എൻട്രി ഓപ്പറേറ്റർക്ക് 24,356 രൂപയും എംടിഎസ് വിഭാഗത്തിൽ നിയമനം ലഭിക്കുന്നവർക്ക് 22,411രൂപയും ശമ്പളം ആയി ലഭിക്കും. ഡോക്യുമെന്റുകളുടെ പരിശോധന, അഭിമുഖം, സ്കിൽ ടെസ്റ്റ് എന്നിവയുടെ അടിസ്ഥാനത്തിലായിരിക്കും ഉദ്യോഗാർത്ഥികളെ തെരഞ്ഞെടുക്കുക.

അപേക്ഷകൾ ഓൺലൈൻ വഴി സമർപ്പിക്കേണ്ടത്. ഔദ്യോഗിക വെബ്സൈറ്റ് വഴി അല്ലെങ്കിൽ ‘Apply Online’ ലിങ്ക് ഉപയോഗിച്ച് അപേക്ഷിക്കാം.

കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.

https://icsil.in/app/uploads/advertisement/DCI_%28DEO_MTS%291.pdf