ഇൻകം ടാക്‌സ് ഡിപ്പാർട്മെന്റിൽ ജോലി നേടാൻ കായിക താരങ്ങൾക്ക് മികച്ച അവസരം. ടാക്‌സ് അസിസ്റ്റന്റ്, സ്റ്റെനോഗ്രാഫർ ഗ്രേഡ്–II, മൾട്ടി ടാസ്‌കിങ് സ്റ്റാഫ് (MTS) തസ്തികകളിലായി ആകെ 97 ഒഴിവുകളാണ് ഉള്ളത്. ഇതിനായുള്ള വിജ്ഞാപനം മുംബൈ പ്രിൻസിപ്പൽ ചീഫ് കമ്മീഷണർ ഓഫ് ഇൻകം ടാക്‌സ് പുറത്തിറക്കി. അപേക്ഷ സമർപ്പിക്കേണ്ട അവസാന തീയതി 2026 ജനുവരി 31 ആണ്.

തസ്തിക & ഒഴിവുകൾ

ടാക്‌സ് അസിസ്റ്റന്റ് (TA) – 47 ഒഴിവുകൾ
യോഗ്യത: അംഗീകൃത സർവകലാശാലയിൽ നിന്നുള്ള ബാച്ചിലർ ഡിഗ്രി

മൾട്ടി ടാസ്‌കിങ് സ്റ്റാഫ് (MTS) – 38 ഒഴിവുകൾ
യോഗ്യത: പത്താം ക്ലാസ് (SSLC/മാട്രിക്കുലേഷൻ) അല്ലെങ്കിൽ തുല്യ യോഗ്യത

സ്റ്റെനോഗ്രാഫർ ഗ്രേഡ്–II – 12 ഒഴിവുകൾ
യോഗ്യത: പ്ലസ് ടു (12-ാം ക്ലാസ്) അല്ലെങ്കിൽ തുല്യ യോഗ്യത

ആകെ ഒഴിവുകൾ: 97

കായിക യോഗ്യത

ഉദ്യോഗാർത്ഥികൾ താഴെപ്പറയുന്ന ഏതെങ്കിലും കായിക ഇനങ്ങളിൽ രാജ്യം, സംസ്ഥാനം, അല്ലെങ്കിൽ സർവകലാശാലയെ പ്രതിനിധീകരിച്ചിരിക്കണം.

അത്‌ലറ്റിക്സ്, സ്വിമ്മിംഗ്, ബാഡ്മിന്റൺ, ടേബിൾ ടെന്നീസ്, ചെസ്, ലോൺ ടെന്നീസ്, ക്രിക്കറ്റ്, ബാസ്‌കറ്റ്‌ബോൾ, വോളിബോൾ, കബഡി, ഫുട്ബോൾ, ബില്യാർഡ്സ്, സ്ക്വാഷ്, യോഗാസനം, പാരാ സ്പോർട്സ്, ബോക്സിങ് .

താഴെ പറയുന്നവയിൽ ഏതെങ്കിലും ഒരു വിഭാഗത്തിൽ മെഡൽ നേടുകയോ പങ്കെടുക്കുകയോ ചെയ്തിരിക്കണം

• അന്താരാഷ്ട്ര മത്സരത്തിൽ രാജ്യത്തെ പ്രതിനിധീകരിച്ചവർക്ക് അപേക്ഷിക്കാം.

• സീനിയർ അല്ലെങ്കിൽ ജൂനിയർ നാഷണൽ ചാമ്പ്യൻഷിപ്പുകളിൽ സംസ്ഥാനം/യൂണിയൻ ടെറിട്ടറി പ്രതിനിധീകരിച്ച് 3-ാം സ്ഥാനം വരെ (മെഡൽ/സ്ഥാനം) നേടിയിരിക്കണം

• സർവകലാശാലയെ പ്രതിനിധീകരിച്ച് 3-ാം സ്ഥാനം വരെ (മെഡൽ/സ്ഥാനം) നേടിയിരിക്കണം

• യൂത്ത് / വിന്റർ / പാരാ ഗെയിംസുകളിൽ സംസ്ഥാനം/യൂണിയൻ ടെറിട്ടറി പ്രതിനിധീകരിച്ച് 3-ാം സ്ഥാനം വരെ (മെഡൽ/സ്ഥാനം) നേടിയിരിക്കണം

• നാഷണൽ സ്കൂൾ സ്പോർട്സ്/സ്കൂൾ ഗെയിംസിൽ സംസ്ഥാന സ്കൂൾ ടീമിനെ പ്രതിനിധീകരിച്ച് 3-ാം സ്ഥാനം വരെ (മെഡൽ/സ്ഥാനം) നേടിയിരിക്കണം.

നിയമനം ലഭിക്കുന്നവർക്ക് 18,000 മുതൽ 81,100 രൂപ വരെ ശമ്പളം ലഭിക്കും. കൂടുതൽ വിവരങ്ങൾക്ക് https://www.incometaxmumbai.gov.in/ എന്ന വെബ്സൈറ്റ് സന്ദർശിക്കുക.